گمبٹ،8کمسن بچوں میں ایچ آئی وی ایڈز کی تصدیق، ایک بچی جاں بحق

ہفتہ 23 مئی 2026 17:07

گمبٹ(اُردو پوائنٹ اخبارتازہ ترین - این این آئی۔ 23 مئی2026ء) چند روز میں 8کمسن بچوں میں ایچ آئی وی ایڈز کی تصدیق ہوئی ہے جن میں سے ایک بچی جاں بحق ہوگئی۔

(جاری ہے)

ہسپتال کے بچوں کے وارڈ میں گزشتہ 10روز کے دوران داخل 8بچوں میں ایچ آئی وی کی تشخیص ہوئی، 3سالہ علیشہ دوران علاج انتقال کر گئی جبکہ 7بچے زیر علاج ہیں۔بچوں میں ایچ آئی وی کی تصدیق کے بعد ہسپتال کے بچوں اور گائنی وارڈز میں ایمرجنسی نافذ کر دی گئی، متاثرہ بچوں کی عمریں 5ماہ سے 3سال تک بتائی گئی ہیں۔ڈاکٹرز نے بتایاہے کہ ہمارے پاس ایڈز سینٹر موجود نہیں، بچوں کو ایڈز سینٹر منتقل کر دیا گیا ہے، ایڈز سینٹر سکھر اور لاڑکانہ میں قائم ہیں۔