پروفیسرمختاراحمد بٹ میموریل ٹی ٹونٹی کپ کا فائنل اولڈ راوئنز نے جیت لیا

پیر 1 جون 2026 16:45

لاہور(اُردو پوائنٹ اخبارتازہ ترین - این این آئی۔ 01 جون2026ء) 14ویں پروفیسرمختاراحمد بٹ میموریل ٹی ٹونٹی کپ 2026 کا فائنل اولڈ راوئنز نے جیت لیا،فائنل میں سردار گروپ کو 54 رنز سے شکست کا سامنا کرناپڑا ۔ اتفاق کرکٹ گرائونڈ ماڈل ٹاون میں پہلے کھیلتے ہوئے اولڈراوئنز کی ٹیم19ویں اوور میں156 رنزبنا کر آئوٹ ہو گئی ۔ہدف کے تعاقب میں سردار گروپ کی ٹیم15ویں اوورز میں102 رنزبنا کر آئوٹ ہو گئی۔

ذیشان بٹ پلیئر آف ٹورنامنٹ ،محمد عظیم بہترین بلے باز قرار پائے۔

(جاری ہے)

مہمان خصوصی پروفیسر سلمان رفیق ،سابق ٹیسٹ کرکٹر آل رائونڈرمنظور الٰہی،کامران چوہدری،سہیل مرتضی، میاں مبین،سردار فرحت اور خالد جمشید تھے جنہوںنے کھلاڑیوں میں انعامات تقسیم کئے ۔اس موقع پر چیف آرگنائزر فہیم مختار بٹ نے کہا کہ وہ کامیابی حاصل کرنے والی ٹیم سمیت تمام ٹیموں کو مبارکباد پیش کرتے ہیں جنہوں نے اس ٹورنامنٹ میں شرکت کی ۔پروفیسر سلمان رفیق نے کہا کہ عرصہ 20 سال سے اپنے والد کے نام پرٹورنامنٹ آرگنائز کرنے پر فہیم مختار کو خراج تحسین پیش کرتاہوں ،اس موقع پر پروفیسر مختار احمد بٹ کے ایصال وثواب کے لئے دعا بھی کی گئی۔