ایل پی جی کی فی کلو قیمت میں 4 روپے 95 پیسے کا اضافہ

اضافے سے ایل پی جی کا گھریلو سلینڈر 58 روپے 51 پیسے مہنگا ہو گیا

پیر 1 جون 2026 17:14

کراچی (اُردو پوائنٹ اخبارتازہ ترین - این این آئی۔ 01 جون2026ء) لیکویفائیڈ پیٹرولیم گیس (ایل پی جی)کی فی کلو قیمت میں 4 روپے 95 پیسے کا اضافہ کر دیا گیا۔

(جاری ہے)

آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں اضافے کا نوٹیفکیشن جاری کر دیا جس کے مطابق ایل پی جی کی نئی قیمتوں کا اطلاق جون کے لیے ہو گا۔لیکویفائیڈ پیٹرولیم گیس (ایل پی جی) کی نئی قیمت فی کلو 308 روپے 76 پیسے مقرر کر دی گئی۔نوٹیفکیشن میں کہا گیا ہے کہ قیمت میں اضافے سے ایل پی جی کا گھریلو سلینڈر 58 روپے 51 پیسے مہنگا ہو گیا ہے، 11.8 کلو گرام گھریلو سلینڈر کی نئی قیمت 3643 روپے 41 پیسے مقرر کی گئی ہے۔