محرم الحرام ،امن وامان قائم رکھنے کیلئے 21 علماء و ذاکرین کے حافظ آباد کی حدود میں 90 روز داخلے پر پابندی عائد

ہفتہ 6 جون 2026 20:10

حافظ آباد (اُردو پوائنٹ اخبارتازہ ترین - این این آئی۔ 06 جون2026ء) ضلعی انتظامیہ نے محرم الحرام کے دوران امن وامان قائم رکھنے کیلئے مختلف مکاتب فکر کے 21 علماء و ذاکرین کی ضلع حافظ آباد کی حدود میں 90 روز کیلئے داخلے پر پابندی عائد کردی ہے ۔

(جاری ہے)

ڈپٹی کمشنر حافظ آباد عبدالرزاق کی جانب سے جاری نوٹیفکیشن کے مطابق جن علماء پر پابندی عائد کی گئی ہے ان میں ذاکر علامہ راجہ ناصر عباس راولپنڈی، سید ساجد حسین نقوی راولپنڈی، ذاکر آصف رضا علی فیصل آباد، ذاکر حامد رضا سلطانی منڈی بہائو الدین، علامہ اظہر حیدری گوجرانوالہ، کامران عباس بی اے لاہور، علامہ شہنشاہ نقوی کراچی، ذاکر حسن رضا ہاشم کبیر والا، ذاکر علی رضا زیدی گوجرانوالہ، مولانا محمد احمد لدھیانوی ٹوبہ ٹیک سنگھ، مولانا معاویہ اعظم طارق جھنگ ، مولانا محمد الیاس گھمن سرگودھا، مولانا عبدالعزیز لال مسجد اسلام آباد، مولانا اورنگزیب فاروقی کراچی، مولانا سید سبطین شاہ نقوی سرگودھا، مولانا حافظ عبدالرئوف یزدانی گوجرانوالہ، مولانا محمد یوسف پسروری سیالکوٹ، مولانا محمد یوسف رضوی المعروف ٹوکہ سرگودھا، مولانا سید عرفان شاہ مشہدی منڈی بہائو الدین ، علامہ یاسین قادری سیالکوٹ اور مولانا آصف اشرف علی جلالی شامل ہیں۔