ٰ نوشہرہ ہسپتال واقعہ: وزیر صحت میاں خلیق الرحمن کا سخت ایکشن، اعلیٰ سطح کی شفاف تحقیقات کا حکم

ہسپتالوں میں خواتین کا تحفظ ہماری ذمہ داری ہے، انکوائری رپورٹ کے بعد سیکیورٹی کمپنی کے خلاف اہم فیصلے ہوں گی: وزیر صحت

جمعرات 11 جون 2026 22:45

/ نوشہرہ (اُردو پوائنٹ اخبارتازہ ترین - آن لائن۔ 11 جون2026ء) خیبرپختونخوا کے وزیرصحت میاں خلیق الرحمن نے قاضی حسین احمدمیڈئکل کمپلکس نوشہرہ میں سیکورٹی گارڈز کی جانب شادی شدہ خاتون کے ساتھ مبینہ اجتماعی زیادتی کے واقعہ پر سخت ایکشن لینے کا حکم دے دیا۔پولیس اور محکمہ صحت کو اجتماعی شفاف تحقیقات کروانے کا حکم بھی دے دیا۔

(جاری ہے)

صوبائی وزیر صحت نے قاضی حسین احمدمیڈئکل کمپلکس نوشہرہ کے چیرمین بورڈآف گورنر اور زمہ داران کو جلد از جلد انکورئری مکمل کرکے رپورٹ پیش کرنے کی تعقید کردی۔

کسی کو بھی ہسپتال میں خواتین ،بچوں اور کسی سے بھی زیادتی کرنے کی اجازت نہیں دی جاسکتی۔ہسپتالوں میں عوام کی جان و مال کی ضمانت پر یقین رکھتے ہیں۔ہسپتال کی سیکورٹی کمپنی کے معملات پر بھی انکورئری کمپٹی کی سفارشات کے بعد اہم فیصلے کئے جائیں گئے۔ان خیالات کا اظہار انہوںنے ہمارے نمائندے سید ندیم مشوانی سے خصوصی گفتگو کرتے ہوئے کیا