Live Updates

ٓوزارت توانائی کے بہترین مالیاتی نظم وضبط سے گردشی قرضوں اور ڈسکوز کے نقصانات میں واضح کمی

منگل 28 جولائی 2026 22:03

اسلام آباد(اُردو پوائنٹ اخبارتازہ ترین - آن لائن۔ 28 جولائی2026ء) وزارت توانائی کے بہترین مالیاتی نظم وضبط سے گردشی قرضوں اور ڈسکوز کے نقصانات میں واضح کمی آئی ہے۔ ترجمان پاور ڈویژن نے سرکلر ڈیٹ اور نقصانات میں کمی کے حوالے بیان جاری کرتے ہوئے کہا کہ پاور سکیٹر کا سرکلر ڈیٹ مالی سال 2023-24کے 2393ارب روپے سے کم ہوکر مالی سال 2024-25 میں 1614ارب روپے پر آیا تھا - ترجمان کے مطابق پاور سیکٹر کیلیے مالی سال 2025-26میں وفاقی بجٹ میں کل 893ارب روپے مختص کیے گئے تھے جس میں 98ارب روپے کی کٹوتی گئی۔

ترجمان کے مطابق اگر پاور ڈویژن کو بجٹ میں مختص رقم کی پوری ادائیگی کی جاتی تو اس وقت سرکلر ڈیٹ مزید کمی کے ساتھ 1577 ارب پر آجاتا۔ ترجمان کے مطابق بجٹ میں 98ارب روپے کی کٹوتی کی وجہ سے سرکلر ڈیٹ میں اس مالی سال میں 61 ارب روپے کا اضافہ ہوا ۔

(جاری ہے)

ترجمان کے مطابق پاور سیکٹر کی تقسیم کار کمپنیوں کے مالی سال 2023-24 میں 591ارب روپے کے نقصانات مالی سال 2024-25 میں 193 ارب روپے کم ہو کر 397ارب روپے پر آئے ہیں۔

اس مالی سال پاور ڈویژن 397 ارب روپے کے نقصانات میں مزید کمی کرکے 326ارب روپے پر لے آیا ہے۔پاور ڈویژن دو سال میں نقصانات کو 591 ارب روپے سے 265 ارب روپے کم کرکے 326 ارب روپے پر لے آیا ہے۔ یہ کمی اس امر کی واضح دلیل ہے کہ پاور سیکٹر میں کی جانے والی اصلاحات نہ صرف مؤثر ثابت ہو رہی ہیں بلکہ ان کا مثبت اثر تسلسل کے ساتھ برقرار ہے۔پاور ڈویژن کے مذکورہ بالا اعداد و شمار اس امر کی توثیق کرتے ہیں کہ توانائی کے شعبے میں اصلاحاتی عمل مثر انداز میں جاری ہے اور بجٹ میں کی جانے والی کٹوتی ایک وقتی مالیاتی عنصر تھا، نہ کہ کارکردگی میں کسی کمی کا مظہر۔

پاور ڈویژن اصلاحاتی ایجنڈے پر عملدرآمد جاری رکھے ہوئے ہے تاکہ توانائی کے شعبے کو مالی طور پر پائیدار اور صارفین کے لیے قابلِ اعتماد بنایا جا سکے۔..اعجاز خان