چیئرمین پنجاب سروس ٹربیونل کی تعیناتی لاہور ہائیکورٹ میں چیلنج

جمعرات 30 جولائی 2026 22:58

لاہور(اُردو پوائنٹ اخبارتازہ ترین - این این آئی۔ 30 جولائی2026ء) چیئرمین پنجاب سروس ٹربیونل سجاد حسین سندھڑ کی تعیناتی کولاہور ہائیکورٹ میں چیلنج کر دیاگیا۔درخواست گل شیر منظور ایڈووکیٹ کی جانب سے دائر کی گئی جس میں حکومت پنجاب سمیت دیگر کو فریق بنایا گیا ہے ۔

(جاری ہے)

درخواست میں موقف اپنایا گیا کہ سجاد حسین سندھڑ کو غیر قانونی طور پر چیئرمین سروس ٹربیونل تعینات کیا گیا ،چیف جسٹس لاہور ہائیکورٹ کی مشاورت کے بغیر سجاد حسین سندھڑ کی تعیناتی کی گئی ،سجاد حسین سندھڑ ریٹائر سیشن جج کی پنشن اور مراعات بھی لے رہے ہیں ،قانون کے مطابق سجاد حسین سندھڑ تنخواہ یا پنشن میں سے ایک لے سکتے ہیں۔

استدعا ہے عدالت چیئرمین سروس ٹربیونل سجاد حسین سندھڑ کی تعیناتی کالعدم قرار دے اوروصول کی گئی تنخواہوں کی ریکوری کا حکم دیا جائے۔