گوجر خان پولیس کی کارروائی، 6سال سے مطلوب اشتہاری ملزم گرفتار

جمعرات 6 اگست 2026 21:52

راولپنڈی (اُردو پوائنٹ اخبارتازہ ترین - اے پی پی۔ 06 اگست2026ء) راولپنڈی کے تھانہ گوجر خان پولیس نے قتل اور اقدام قتل کے مقدمے میں مطلوب ایک اشتہاری ملزم کو گرفتار کر لیا ہے ۔ پولیس کے مطابق گرفتار اشتہاری پر الزام ہے کہ اس نے مئی 2020 میں زمین کے تنازع پر اپنے ساتھیوں کے ہمراہ فائرنگ کر کے باپ اور بیٹے کو قتل جبکہ دو شہریوں کو زخمی کر دیا تھا۔

(جاری ہے)

واقعہ کے بعد ملزم فرار ہو گیا تھا اور پولیس کو مطلوب تھا۔ پولیس نے کہاکہ ٹیکنیکل اور ہیومن انٹیلی جنس کی مدد سے کارروائی کرتے ہوئے اشتہاری کو گرفتار کر لیا گیا جبکہ اس مقدمے میں نامزد اس کے سات دیگر ساتھی پہلے ہی گرفتار کیے جا چکے ہیں۔ ایس پی صدر انعم شیر نے کہا کہ گرفتار اشتہاری کے خلاف ٹھوس شواہد کی بنیاد پر چالان مکمل کرکے عدالت میں پیش کیا جائے گا۔