پاک فوج کی جانب سے راولاکوٹ میں شہریوں کیلئے مفت میڈیکل کیمپس کا انعقاد

مجموعی طور پر5 ہزار300 سے زائد مریضوں کومفت ادویات فراہم کی گئیں،خواتین، بچوں اوربزرگوں سمیت141سے زائد کا معائنہ

ہفتہ 8 اگست 2026 12:50

مظفرآباد(اُردو پوائنٹ اخبارتازہ ترین - این این آئی۔ 08 اگست2026ء) پاک فوج کی جانب سے راولاکوٹ آزاد کشمیر میں 15 چوک پرموبائل فری میڈیکل کیمپس کا انعقاد کیا گیا۔فری میڈیکل کیمپس کا بنیادی مقصد عام شہریوں کو ان کی دہلیز پر مفت اور معیاری علاج کی سہولیات فراہم کرنا ہے، مجموعی طور پر5 ہزار300 سے زائد مریضوں کومفت ادویات فراہم کی گئیں۔

(جاری ہے)

پاک فوج کے فری میڈیکل کیمپس میں ماہر طبی عملے نے خواتین، بچوں اوربزرگوں سمیت141سے زائد افراد کا معائنہ کیا، موجودہ صورتحال کے پیش نظر شہریوں نے بروقت اور مفت طبی سہولیات کی فراہمی کو ایک خوش آئند اقدام قرار دیا۔

راولاکوٹ کے شہریوں نے پاک فوج اور قانون نافذ کرنے والے اداروں کی جانب سے مفت میڈیکل کیمپ کے انعقاد کو بھرپور سراہا۔انسانی ہمدردی، قومی ذمہ داری اور عوامی خدمت کے جذبے کے تحت پاک فوج ہر مشکل گھڑی میں کشمیری عوام کے شانہ بشانہ کھڑی رہی ہے۔