پی ٹی آئی کامارچ نہیں ہو گا،یہ مارچ کرتے نظرنہیں آرہے،شیرافضل مروت

بات چیت چل رہی ہے مارچ کینسل کیا جائے تو بشری بی بی کو ریلیف دیا جا سکتا ہے، گفتگو

اتوار 13 ستمبر 2026 20:15

اسلام آباد (اُردو پوائنٹ اخبارتازہ ترین - این این آئی۔ 13 ستمبر2026ء) رکن قومی اسمبلی شیر افضل مروت نے کہا ہے کہ پی ٹی آئی کامارچ نہیں ہو گا،یہ مارچ کرتے نظرنہیں آرہے۔ ایک انٹرویومیں انہوںنے کہا کہ میں نے زندگی میں کسی کے کہنے پرکبھی کچھ نہیں کیا،سہیل آفریدی نے بانی پی ٹی آئی کی رہائی کیلئے کچھ نہیں کیا۔شیر افضل مروت نے کہا کہ میرے فنڈز منجمد کئے گئے،میرے پاس آئینی اور قانونی جواز ہیں کہ سہیل آفریدی سے کے پی کو چھٹکارا دلاں، سہیل آفریدی کے وزیراعلیٰ بننے کے 6 مہینے بعد میں نے درخواست دائرکی،بانی پی ٹی آئی نے کے پی بند کرنے کا کہا تھا،کیوں نہیں کیا اٹک میں راتوں رات دھرنا کس کے کہنے پرختم کیا گیا تھا پی ٹی آئی کیساتھ ظلم وجبر ہوا،اس نے پارٹی کو مقبولیت دی، پی ٹی آئی کو خیرات میں کوئی کچھ نہیں ملے گا۔

(جاری ہے)

انہوں نے کہا کہ بات چیت چل رہی ہے مارچ کینسل کیا جائے تو بشریٰ بی بی کو ریلیف دیا جا سکتا ہے، بانی پی ٹی آئی کہیں گے تو مارچ میں شرکت کروں گا، پی ٹی آئی کامارچ نہیں ہو گا،یہ مارچ کرتے نظرنہیں آرہے، تحریک انصاف والے منتیں کر رہے ہیں کوئی فیس سیونگ مل جائے، بانی پی ٹی آئی کی قید کے بعد کبھی رابطے ختم نہیں ہوئے، 3مرتبہ بات بنتے بنتے رہ گئی، لڑائی صلح پر ختم ہوگی،چاہے وہ28ویں ترمیم کی شکل میں ہو، فریقین ایک دوسرے کو معاف کر دیں تو لڑائی ختم ہو گی۔