Hum Be Murawwat Hain - Article No. 1303
![Hum Be Murawwat Hain](https://photo-cdn.urdupoint.com/show_img_new/kids/kids_article_images/2019/740x404/pic_d8f81_1550647682.jpg._2)
ہم بے مروت ہیں - تحریر نمبر 1303
مروّت اچھی چیز ہے ،لیکن کبھی کبھار اس سے اچھا خاصا نقصان بھی ہو جاتا ہے ۔بھئی،سچ پوچھیں تو ہم مروت کا زیادہ خیال نہیں رکھتے،
بدھ 20 فروری 2019
ہم بے مروّت ہیں
عفان احمد خان
مروّت اچھی چیز ہے ،لیکن کبھی کبھار اس سے اچھا خاصا نقصان بھی ہو جاتا ہے ۔بھئی،سچ پوچھیں تو ہم مروت کا زیادہ خیال نہیں رکھتے،دعوت ،شادی ،عید،بقرعید ،پکنگ غرض ہر موقعے پر ہم میزبان کی مروت کا بھر پور فائدہ اُٹھاتے ہیں ۔اب خود ہی فیصلہ کریں میزبان بے چارہ ”اور لیں نا“کی گردان کررہا ہے ،اس موقع پر اچھا تو نہیں لگتا کہ ہم ”اور نہ “لیں۔
جہاں تک بات ہے کہ ہم اپنے مہمان کے ساتھ زیادہ مروت نہیں کرتے ۔ہمارا اُصول ہے کہ اگر کوئی مہمان بھنویں نیچے اور آنکھیں اوپر کرکے کہے:”ارے کڑاہی گوشت تو ہماری بسمہ کھاتی ہی نہیں ہے ۔“
ہم ایسے موقعوں پر دو پہر کے بچے ہوئے ٹنڈے بسمہ کو کھلا دینے کے قائل ہیں ‘پھر ضرور بسمہ کو کڑاہی گوشت اچھا لگنے لگے گا۔
(جاری ہے)
اس کے علاوہ اگر ”غلطی “سے کسی دوست کے گھر پھل وغیرہ لے کر چلے جائیں اور وہ مروت کی غلطی کر بیٹھے اور کہہ دے :”بھئی،اس کی کیا ضرورت تھی؟“
تو ہم یہ کہنے میں دیر نہیں لگا ئیں گے :”کوئی بات نہیں ،جاتے ہوئے واپس لے جاؤں گا۔
اب بے چارہ میزبان کچھ بول بھی نہیں سکتا اور واپسی میں ہم تھیلا اُٹھائے واپس آجاتے ہیں ۔ہمیں نہیں معلوم کہ بعد میں وہ خود کو کیسے تسلی دیتے ہوں گے۔
آپ یہ نہ سمجھیے گا کہ ہم خاندان میں ”بے مروت “مشہور ہیں ،بالکل نہیں ۔بلکہ ہم تو ”بامروّت “مشہور ہیں ۔اس کی وجہ یہ ہے کہ ہمارے یہاں جو مہمان آتا ہے ،وہ بھی اپنی مروّت کو باہر چھوڑ کر آتا ہے اور ہم بھی اس کی بھر پور مہمان نوازی کرتے ہیں ۔
ہماری بامروّتی کی صرف کھانوں اور دعوتوں ہی میں نہیں ،بلکہ زندگی کے ہر شعبے میں ہم مروّت کو پاؤں کی ٹھو کر پر رکھتے ہیں۔
وہ شاید میٹرک کا پرچہ تھا۔ہمارے پرانے دوست شہر یار نے دورانِ پیپر ہم سے کچھ پوچھا۔ہم پر چہ چھوڑ کر اس کی طرف متوجہ ہوئے،مگر بندئہ خدا نہایت ہی آہستہ بول رہا تھا۔کچھ وقت تو میں نے انتظار کیا ،لیکن پھر میری آواز جماعت میں گونجی :”بھئی شہریار! جو پوچھنا ہے ،خدارا ،اونچی آواز میں پوچھو۔“
اب اس بے چارے کو کچھ پوچھنا یادہی نہیں رہا اوروہ سٹپٹا کرپر چہ حل کرنے لگا۔شادی میں جانے سے قبل جب گھر میں بڑی بہن عاجزی سے پوچھتی ہیں :”عفان!ذرا بتانا،میں کیسی لگ رہی ہوں؟“
”بس ٹھیک ہی ہیں ،میک اپ اچھا تو نہیں ہوا۔“ہم برجستہ کہہ دیتے ہیں ۔اس کے بعد ہمارے ساتھ کیا ہوتا ہے ،یہ راز کی بات ہے۔
آدمی میں خود اعتمادی ہونی چاہیے۔جیسی کہ ہماری خالہ میں ہے ،اپنی شادی کی تصویر دکھاتے ہوئے پوچھتی ہیں:”اس ہیروئن کو جانتے ہو؟“نہ کہ ایسا کہ دو گھنٹے تیار ہونے کے بعد عاجزی سے پوچھا جائے کہ میں کیسی لگ رہی ہوں ۔
بعض لوگ بالکل ہی”بے مروّت “ہوتے ہیں ۔یقین مانیے،ہم ان میں سے بالکل نہیں ۔ان لوگوں میں ہماری بہن صاحبہ شامل ہیں ۔ہمارے سامنے بیٹھ کر چاکلیٹ ، بسکٹ وغیرہ کھاتی جائیں گی اور بتاتی بھی جائیں گی :”اشعر! تو آج کل ڈائٹنگ پر ہے ۔سعد بازار کی چیزیں نہیں کھاتا ،عفان بھائی! یہ لیں ۔“
یہ کہتے ہوئے بسکٹ کا ایک ہزارواں حصہ مجھے ایسے دیتی ہیں جیسے کسی بنگلے کی چابی دے رہی ہیں ۔
ہم بھی اس کے دوسرے ہاتھ میں پکڑے بسکٹ کا پیکٹ چھین کر بھاگ کھڑے ہو تے ہیں ،کیوں کہ ہم بے مروّت جو ہیں ۔
Browse More Mutafariq Mazameen
![Pehli CHori](https://photo-cdn.urdupoint.com/show_img_new/kids/kids_article_images/2012/220x220/pic_243_1517914978.jpg._1)
پہلی چوری
Pehli CHori
![Maan K PaooN K Neche](https://photo-cdn.urdupoint.com/show_img_new/kids/kids_article_images/2008/220x220/pic_85_1517914978.jpg._1)
ماں کے پاوں کے نیچے
Maan K PaooN K Neche
![Khala Qilqela Ki Chalaki](https://photo-cdn.urdupoint.com/show_img_new/kids/kids_article_images/2011/220x220/pic_221_1517914978.jpg._1)
خالہ قلقلہ کی چالاکی
Khala Qilqela Ki Chalaki
![Koddu Ki Haar](https://photo-cdn.urdupoint.com/show_img_new/kids/kids_article_images/2012/220x220/pic_231_1517914978.jpg._1)
کوڈو کی ہار
Koddu Ki Haar
![Bachoon Ki Ath-kheliyaan](https://photo-cdn.urdupoint.com/show_img_new/kids/kids_article_images/2010/220x220/pic_169_1517914978.jpg._1)
بچوں کی اٹکھیلیاں۔۔۔۔ بڑوں کے لئے مسرت
Bachoon Ki Ath-kheliyaan
![Hakim Muhammad Saeed Or Quaid E Azam](https://photo-cdn.urdupoint.com/show_img_new/kids/kids_article_images/2015/220x220/pic_1444887137.jpg._1)
حکیم محمد سعید اور قائداعظم
Hakim Muhammad Saeed Or Quaid E Azam
![Kiya Internet Se Mutalye Ka Shouq Kaam Ho Raha Hai](https://photo-cdn.urdupoint.com/show_img_new/kids/kids_article_images/2015/220x220/1429056847_icon.jpg._1)
کیا انٹرنیٹ سے مطالعے کا شوق کم ہو رہا ہے ؟
Kiya Internet Se Mutalye Ka Shouq Kaam Ho Raha Hai
![Chootay Bachon Ke Danoton Ki Safai](https://photo-cdn.urdupoint.com/show_img_new/kids/kids_article_images/2018/220x220/pic_3a5b4_1536996598.jpg._1)
چھوٹے بچوں کے دانتو ں کی صفائی
Chootay Bachon Ke Danoton Ki Safai
![Television Bachoon K Liye Nuqsaandeh Ho Sakta Hai](https://photo-cdn.urdupoint.com/show_img_new/kids/kids_article_images/2006/220x220/pic_54_1517914978.jpg._1)
ٹیلی ویژن بچے کیلئے نقصان دہ ہو سکتا ہے گھریلو ڈراموں میں منفی کردار کی کامیابی دکھائی جاتی ہے
Television Bachoon K Liye Nuqsaandeh Ho Sakta Hai
![Toote Ki Khamoshi](https://photo-cdn.urdupoint.com/show_img_new/kids/kids_article_images/2012/220x220/pic_236_1517914978.jpg._1)
توتے کی خاموشی
Toote Ki Khamoshi
![Hakeem Kabotar Wale](https://photo-cdn.urdupoint.com/show_img_new/kids/kids_article_images/2010/220x220/pic_163_1517914978.jpg._1)
حکیم کبوتر والے
Hakeem Kabotar Wale
![Jis Ko Bhulaya Na Ja Sakay Ga](https://photo-cdn.urdupoint.com/show_img_new/kids/kids_article_images/2016/220x220/pic_1459242318.jpg._1)
جس کو بھلایا نہ جاسکے گا
Jis Ko Bhulaya Na Ja Sakay Ga
Urdu Jokes
باپ
Baap
اوور ٹائم
Over Time
نوکری
Naukri
نسخہ صلح صفائی
nuskha sulah safai
شاعر
Shayar
سپاہی عورت سے
sipahi aurat se
Urdu Paheliyan
اک گھر کا اک پہرے دار
ek ghar ka ek pehredaar
کچھ لمبا کچھ گول مٹول
kuch lamba kuch gol matol
مٹھی میں وہ لاکھوں آئیں
muthi me wo lakho aye
شیشے میں ہے لال پری
sheeshe me hai lal pari
سر ہے چمٹا منہ نوکیلا
sar hi chimta munh nokeela
بھرا بھرا تھا ایک مکان
bhara bhara tha ek makan