Kids Fashion Show - Article No. 1272

کڈز فیشن شو

ننھے ماڈلز کی پر اعتماد اور شرماتے ہوئے ریمپ پر پرفارمنس ویتنام،یوکرائن اور پاکستان میں بچوں کے رنگارنگ فیشن شوز

جمعرات جنوری

kids fashion show

راحیلہ مغل
پوری دنیا میں آئے روز فیشن شوز منعقد ہوتے رہتے ہیں لیکن کڈز فیشن شو کبھی کبھی ہی دیکھنے کو ملتے ہیں پچھلے دنوں ویتنام میں ایک ایسا کڈز فیشن شو ہوا جس میں ننھے ماڈلز نے میلہ لوٹ لیا۔اس شو میں ایشیا کے 7ممالک نے حصہ لیا یہ شوویتنام میں ہوا جہاں بچوں نے اپنے فن کا مظاہرہ کیا اور ریمپ پر جلوے بکھیرے۔


بچوں کے ساتھ آئے والدین نے اپنے بچوں کے ٹیلنٹ کی خوب حوصلہ افزائی کی ۔ننھے منے ماڈلز کسی پروفیشنل ماڈلز کی طرح پوز دکھاتے رہے ۔کچھ بچے شرمائے بھی لگے اور کچھ کا Confidentلیول خاصاہائی نکلا۔
اس فیشن شو میں نئی کلیکشن متعارف کروائی گئی۔
بچوں نے جب ریمپ پر جولے بکھیرے تو حاضر ین داددینے پر مجبور ہو گئے کیونکہ اس فیشن ویک میں شرکت کیلئے جب یہ جگمگاتے تارے زمین پر اترے تو کچھ بچوں نے تو انتہائی با اعتماد انداز میں ریمپ پر واک کی تو کہیں کچھ بچے حیران بھی دکھائی دئیے۔

(جاری ہے)


رنگ برنگے اور دیدہ زیب ملبوسات میں ننھے ماڈلز کا حوصلہ بڑھانے کیلئے شرکاء نے تالیاں بجاکر جی بھر کر داد دی اور تصاویر بھی بنوائیں ۔ایشین کڈز فیشن ویک 2018ء میں اس بار ملائیشیا ‘تھائی لینڈ ‘انڈیا ‘انڈونیشیا‘ہانگ کانگ‘جاپان اور ویتنام نے حصہ لیا۔

ویتنام کی طرح یوکرائن میں بھی فیشن ویک 2018ء کا انعقاد کیا گیا جس میں بچوں نے پروفیشنل ماڈلز کی طرح ریمپ پر جلوے بکھیرے یہ فیشن ویک یو کرائن کے معروف فیشن ڈیزائنرز کی جانب سے ترتیب دیا گیا۔اس میں موسم بہار کی مناسبت سے ملبوسات پیش کئے گئے فیشن ویک کے دوران ننھے منے بچوں نے دیدہ زیب ملبوسات زیب تن کئے ریمپ پرواک کی اور فیشن کے جلوے بکھیرے۔

دراصل یوکرین میں رنگارنگ کڈز فیشن ویک کا انعقاد کیا گیا تھا ۔بچوں کے نت نئے ملبوسات کی کلیکشن سے سجے اس فیشن شو میں بچوں نے جب ریمپ جلوے بکھیرے تو حاضرین داد دینے پر مجبور ہو گئے ۔
رنگ برنگے اور دیدہ زیب ملبوسات میں ننھے ماڈلز کا حوصلہ بڑھانے کیلئے شرکاء جن میں بچوں کے والدین بھی شامل تھے سب نے تالیاں بجا کرجی بھر کرداد دی اور خوش ہو کر تصاویر بھی بنوائیں ۔

اسی طرح پاکستان کے شہر کراچی میں بھی فیشن کے بدلتے جدید انداز اور نظروں کے چو نکاتے لباسوں کی نمائش کا میلہ سجایا گیا ۔دراصل فیشن انڈسٹری کا بخار آجکل کے بچوں کے سر پر بھی خوب سوار ہے ،کراچی کے ننھے ماڈلز نے تو بڑے بڑوں کو بھی پیچھے چھوڑ دیا۔

چکنی ریمپ پر ہرنی جیسی چال چلنا آسان نہیں ہوتا لیکن ننھے اسٹارز کیلئے تو کچھ بھی مشکل نہیں ،دکھنے میں چھوٹے لیکن ادائیں پورے ان بچوں کو موقع ملا جلوے دکھانے کا توریمپ کی رونق بڑھادی ۔بچپن سے ہی سپر ماڈل بننے کا شوق ہے تو سوچئے مستقبل میں پاکستان فیشن انڈسٹری کو کیسے کیسے گوہر نایاب ملنے والے ہیں ۔

موسم سرما کے لحاظ سے دلوں کو لبھاتے لباس پیش کئے گئے ۔کڈز ماڈلز اور ماڈلز جب ریمپ پر جلوہ گر ہوئیں تو ناظرین کی نظریں تو ٹھہرسی گئیں ۔
شرکاء کا اس موقع پر کہنا تھا کہ ہماری فیشن انڈسٹری کو ابھی اور بھی آگے جانا ہے ۔بچے ہو ں یا بڑے دورجدید میں ہر کوئی منفرد سیکھنا چاہتا ہے ۔شرکاء کا کہنا تھا کہ یہ فیشن شو پاکستا ن ایک ملک کی فیشن انڈسٹری میں اہم سنگ میل ثابت ہو گا۔

مزید متفرق مضامین

Pakistan Ka Rasta

پاکستان کا راستہ

Pakistan Ka Rasta

Chugaal KhooR

چغل خور!

Chugaal KhooR

Makre Ki Madad

مکڑے کی مدد

Makre Ki Madad

Bachoon K Naam Kiya Rakhain

بچے کا نام کیا رکھیں؟

Bachoon K Naam Kiya Rakhain

Zerek Wazeer

زیرک وزیر

Zerek Wazeer

Aoo Mill Kar Mulk Sanwarain

آو مل کر ملک سنواریں

Aoo Mill Kar Mulk Sanwarain

Bachoon K Liye EID Ki Tiyari

بچوں کیلئے عید کی تیاری

Bachoon K Liye EID Ki Tiyari

Mirza Pareshan

مرزا پریشان

Mirza Pareshan

Cheeni Bachon Mein Video Games Ke Manfi Asraat

چینی بچوں میں ویڈیو گیمز کے منفی اثرات

Cheeni Bachon Mein Video Games Ke Manfi Asraat

Sheetaan K Karname

شیطان کے کارنامے

Sheetaan K Karname

Motor Chor

موٹر چور

Motor Chor

Choroon Ka Ustad

چوروں کا اُستاد

Choroon Ka Ustad

Your Thoughts and Comments