لورالائی ، بارشوں کا سلسلہ جاری،

لورالائی(اُردو پوائنٹ اخبارتازہ ترین - آئی این پی۔ 24 فروری2018ء)موسم سرما کی ہفتے کو ہونیوالی بارش نے لورالائی کی سردی میں اضافہ کردیا، شہر کے مختلف روڈ تالاب کا منظر پیش کرنے لگے ، بجلی 24گھنٹوں سے غائب ہے ۔تفصیلات کے مطابق ہفتے کو بلوچستان کے اکثر اضلاع کی طرح لورالائی میں بھی بارش کی وجہ سے سردی کی شدت میں اضافہ ہوگیا ،لوگوں نے گرم کپڑے پہننے دوبارہ شروع کردیئے ، شہریوں نے پکوڑوں ،سموسوں،سوپ،اور دیگر گرم مشروباط کے دوکانوں کا رخ کردیا جس کی وجہ سے دکانداروں کی چاندی ہوگئی،بارش کی بوند زمین پے گرتے ہی بجلی غائب جو 24گھنٹوں سے زیادہ ہونے کے بعد بھی بجلی نہ آسکی اور پینے کے پانی ناپید شہریوں کو شدید مشکلات کا سامنا کرنا پڑھ رہا ہے۔

(جاری ہے)

بارش نے میونسپل انتظامیہ کا پول کھول کر رکھ دیا شہر کے مختلف نالیوں کا پانی روڈ پر آنے سے شہر کے مختلف روڈ وںپر ابھی بھی پانی جمع اورروڈ تالاب کا منظر پیش کررہے ہیں نورانی مسجد چوک پر پانی روڈ پر آنے سے دکانوںمیں داخل ہو گیا اور دکانداروں کا کہناہے کہ ٹھیکیدار کی سست روی کی وجہ سے سیوریج کا گندا پانی روڈپر جمع ہو نے کے بعد ہ دکانوں میں داخل ہو گیا اور دوکانوں کے گرنے کا خطرہ ہے ہم میونسپل کمیٹی لورالائی سے مطالبہ کرتے ہیں کہ وہ سیوریج کی صفائی کریں تاکہ سیوریج کا پانی روڈ پر نہ آئیں اور انہوں نے انتظامیہ سے اپیل کرتے ہیں کہ وہ ٹھیکیدار کی جانب سے سیوریج کے سست روی کا نوٹس لیکر ان کے خلاف کاروائی کریں اور سیوریج نالیوں پر جاری کام میں تیز ی لائی جائے۔