وسیم اکرم کے بعد ایک اور معروف پاکستانی شخصیت کو دبئی کا گولڈن ویزا مل گیا

 

انسٹا پر جاری اپنے پیغام میں ہمایوں سعید نے دبئی کی حکومت اور خاص طور پر دبئی فلم اور ٹی وی کمیشن کا بھی شکریہ ادا کیا ہے۔ ہمایوں سے سعید کے علاوہ گلوکار و اداکار علی ظفر کو بھی دبئی کا گولڈن ویزا مل چکا ہے۔ کچھ روز قبل معروف پاکستانی سابق کرکٹر وسیم اکرم کو بھی دبئی کا گولڈن ویزہ جاری کیا گیا تھا۔ وسیم اکرم نے اپنے ایک ٹوئیٹر پیغام میں لکھا کہ ’’کرکٹ میں میری کامیابیوں کو تسلیم کرتے ہوئے حکومت دبئی کی طرف سے گولڈن ویزا ملنے پر فخر ہے۔

دبئی بلاشبہ کاروبار، تعطیلات اور دنیا سے جڑنے کے لیے دنیا کی بہترین جگہوں میں سے ایک ہے۔ خیال رہے کہ متحدہ عرب امارات نے 2019ء میں گولڈن ویزوں کے اجرا کا اعلان کیا تھا۔ متحدہ عرب امارات نے گزشتہ سال پانچ یا دس سالہ مدت کے لیے گولڈن ویزے کے اجرا کا اعلان کیا تھا۔ یہ ویزا ڈاکٹروں، سائنسدانوں، جدت پسندوں، محققین، امتیازی تعلیمی قابلیت کے حامل طلبہ، سماجی کارکنوں، سرمایہ کاروں، کاروباری افراد، منیجروں، چیف ایگزیکٹو افسروں، سائنس، انجینئرنگ، صحت، تعلیم، بزنس مینجمنٹ اور ٹیکنالوجی کے شعبوں سے وابستہ ماہرین کو جاری کیا جاتا ہے۔

وسیم اکرم سے قبل پاکستانی کرکٹر و سابق کپتان شعیب ملک اور ان کی اہلیہ بھارتی ٹینس سٹار ثانیہ مرزا کو بھی دبئی کا گولڈن ویزا مل چکا ہے۔