جاوید اخترہندوستان کے ہیرو بن گئے وہ معذرت نہیں کرینگے فیصل قریشی

کراچی (اُردو پوائنٹ اخبارتازہ ترین - این این آئی۔ 24 فروری2023ء) اداکار فیصل قریشی کا کہنا ہے کہ جاوید اختر اس وقت ہندوستان میں ہیرو ثابت ہوگئے ہیں وہ پاکستان مخالف دیے گئے بیان پر معذرت نہیں کریں گے۔جاوید اختر نے فیض فیسٹیول کے دوران پاکستانیوں سے متعلق متنازع گفتگو کی تھی جس کے بعد سے وہ سوشل میڈیا پر تنقید کی زد میں ہیں اور اب شوبز شخصیات کی جانب سے بھی ان کے بیان سے متعلق ناراضگی کا اظہار کیا جارہا ہے۔

حال ہی میں نجی میڈیا سے گفتگو کے دوران میزبان نے فیصل قریشی سے سوال کیا کہ کیا جاوید اختر کو پاکستان مخالف اپنے بیان پر معذرت کرنی چاہیی جس کے جواب میں فیصل قریشی نے کہا کہ جاوید اختر اپنے بیان پر معذرت تو قطعی طور پر نہیں کریں گے بقول قائداعظم جو مسلمان ہندوستان میں ہیں انہیں ہر بار یہ ثابت کرنا پڑیگا کہ وہ اپنے ملک سے وفادار ہیں، ان مسلمانوں کو اسی طرح کی چیزوں کے ذریعے اپنی وفاداری ثابت کرنے پڑے گی۔

(جاری ہے)

فیصل قریشی نے یہ بھی کہا کہ جاوید اختر اس وقت ہندوستان میں ہیرو ثابت ہوگئے ہیں۔دوسری جانب سینئر اداکار شان شاہد نے بھی جاوید اختر کے متنازع بیان پر ناراضگی کا اظہار کیا اور مختلف ٹوئٹس کی جس میں شان نے لکھا کہ ان کو بلانے اور ان کے پاؤں میں بیٹھنے والوں سے سوال ہی اپنے ملک کی عزت سے زیادہ کچھ نہیں۔