امریکا کے جنوبی علاقوں میں شدید طوفان اور بارشوں کے باعث تین بچوں سمیت 8 اموات، متعدد افراد زخمی

واشنگٹن (اُردو پوائنٹ اخبارتازہ ترین - اے پی پی۔ 15 اپریل2019ء)امریکا کے جنوبی علاقوں میں شدید طوفان اور بارشوں کے باعث تین بچوں سمیت 8 افراد اموات ہوئی ہیں جبکہ متعدد زخمی بھی ہوئے ہیں۔امریکی ذرائع ابلاغ کے مطابق تیز ہواؤں اور جھکڑ چلنے سے ٹیکساس ٹاون کے متعدد مکانات تباہ اور بجلی کے پول اکھڑ گئے۔طوفان کے باعث ٹیکساس، آرکنساس، لوزیانا، مسی سپی اور جارجیا کے 90 ہزار صارفین بجلی سے محروم ہیں۔

مشرقی ٹیکساس میں تیز ہواوں کے باعث درخت گاڑی پر جا گرا جس سے پچھلی نشست پر بیٹھے دو بچے موقع پر مر ہو گئے۔ جبکہ اگلی نشستوں پر موجود والدین حادثے میں محفوظ رہے۔پولیس کے مطابق درخت گرنے سے گاڑی کا پچھلا حصہ مکمل طور پر تباہ ہوگیا ہلاک ہونے والے بچوں کی عمرتین اور آٹھ سال تھی۔

(جاری ہے)

مشرقی ٹیکساس کے تاریخی مقام پرایک ثقافی میلے کے دوران بگولے نے تباہی مچا دی واقعے میں ایک خاتون کی موت جبکہ 24 سے زیادہ افراد زخمی ہوگئے۔

پولیس حکام کے مطابق ملحقہ ہیوسٹن کاونٹی میں ایک شخص کی موت کی تصدیق ہوئی ہے۔حکام کے مطابق ٹیکساس کے جنوبی علاقے 'فرینکلن ' میں تیز آندھی اور طوفان کے باعث متعدد مکانات اور عارضی رہائش گاہیں تباہ جبکہ دیگر املاک کو بھی نقصان پہنچا ہے۔محکمہ موسمیات کے مطابق طوفان کے دوران چلنے والی ہوائوں کی رفتات 140 کلومیٹرفی گھنٹہ تھی۔طوفان کے باعث 55 مکانات ، چرچ اور دکانیں تباہ ہوئی ہیں تاہم دو افراز زخمی ہوئے جن کی حالت خطرے سے باہر ہے۔طوفان اور تیز بارشوں کے باعث 'لوزیانا' کے مختلف علاقوں میں سیلاب کے باعث دوامواتکی اطلاعات ہیں۔محکمہ موسمیات نے نیویارک ، میری لینڈ ، پنسلوینیا اور مغربی ورجینیا کے کچھ علاقوں میں بھی ممکنہ طوفان کے پیش نظر وارننگ جاری کر دی ہے۔

Your Thoughts and Comments