پنجاب حکومت کا 11ارب روپے سے پریونٹوہیلتھ کیئر پروگرام شروع کرنے کا فیصلہ

آئندہ مالی سال میںصحت کے شعبے کے لئے مجموعی طو رپر 370ارب روپے مختص

لاہور (اُردو پوائنٹ اخبارتازہ ترین - آن لائن۔ 14 جون2021ء)پنجاب حکومت کی جانب سے پریونٹوہیلتھ کیئر پروگرام کے تحت ٹی بی ، ایڈز اور ہیپائائٹس جیسے موذی امراض پر قابو پانے کے لئے 11ارب روپے کی خطیر رقم مختص کی تجویز دی گئی ہے ۔علاوہ ازیں پنجاب میں کورونا ویکسی نیشن کے لئے 10ارب روپے کا خصوی بلاک رکھے جانے کی تجویز ہے ۔

(جاری ہے)

پنجاب حکومت کی جانب سے آئندہ مالی سال کے بجٹ میںصحت کے شعبے کے لئے مجموعی طو رپر 370ارب روپے مختص کرنے کی تجویز دی گئی ہے ۔

شعبہ صحت کے ترقیاتی پروگرام کا مجموعی بجٹ96ارب روپے ہے جو رواں مالی سال کے مقابلے میں182فیصد زائد ہے ۔سپیشلائزڈ ہیلتھ کیئر کے شعبے کے لئے اگلے مالی سال میں 78ارب روپے کا ترقیاتی بجٹ تجویز کیا گیا ۔محکمہ پرائمری اینڈ سکینڈری ہیلتھ کے ترقیاتی منصوبوں کے لئے 19ارب روپے مختص کئے جانے کی تجویز ہے

Your Thoughts and Comments