ڈاکٹر نے غلط مریض کے دماغ کا آپریشن کر دیا

ڈاکٹر نے غلط مریض کے  دماغ کا آپریشن کر دیا

کینیا کے سب سے بڑے ہسپتال میں ایک  نیورو سرجن نے غلط مریض کے دماغ کی سرجری کر دی، جس کے بعد ڈاکٹراور دیگر متعلقہ عملے کو معطل کر دیا گیا ہے۔
اس سے پہلے اسی کینیاٹا نیشنل ہاسپیٹل میں مریضوں کے ساتھ جنسی زیادتی اور بچوں کے چوری ہونے کے واقعات سامنے آئے ہیں۔
ہسپتال کی انتظامیہ کا کہنا ہے کہ انہوں نے ڈاکٹر، دو نرسوں اور بے ہوش کرنے والے شخص کو معطل کر دیا ہے۔

اس   آپریشن کےمتعلق بھی تحقیقات جاری ہیں۔

(جاری ہے)


کینیا کے وزیر صحت سسلی کاروکی نے اتنی بڑی غلطی پر ہسپتال کے سی ای او کو بھی معطل کر دیا ہے۔ ایک اخباری رپورٹ کے مطابق  ہسپتال میں دماغ کے حوالے سے دو مریض تھے، ایک کے سوجے سر کا علاج ادویات سے ہونا تھا جبکہ دوسرے مریض کے دماغ سے خون کی گٹھلی نکالنا تھا۔
کئی گھنٹوں کی دماغی سرجری کے بعد ڈاکٹر کو پتا چلا کہ دماغ میں کوئی خون کی گٹھلی نہیں ۃے۔ اس کے بعد انہیں پتا چلا کہ وہ غلط مریض کا آپریشن کر رہے ہیں۔
کینیاٹا نیشنل ہاسپیٹل کینیا کا سب سے قدیم اور سب سے بڑا ہسپتال ہے۔ یہاں طبی تعلیم بھی دی جاتی ہے۔

وقت اشاعت : 05/03/2018 - 23:50:43

Your Thoughts and Comments