بولٹ نے گائے کا گوشت کھا کر گولڈ میڈل جیتے، بھارتی سیاستدان کا انکشاف

بی جے پی رہنما کے ٹوئٹ نے بھارت میں وبال کھڑا کردیا بی جے پی رہنما یوسین بولٹ کا نام لے کر لوگوں کو گائے کا گوشت کھانے پر اکسا رہے ہے، بھارتیوں کا الزام

منگل 30 اگست 2016 14:53

بولٹ نے گائے کا گوشت کھا کر گولڈ میڈل جیتے، بھارتی سیاستدان کا انکشاف

ممبئی (اُردو پوائنٹ اخبارتازہ ترین - آئی این پی۔30 اگست ۔2016ء) دنیا کے تیز ترین انسان یوسین بولٹ نے گائے کا گوشت کھا کر نو گولڈ میڈل جیتے۔ بی جے پی رہنما کے ٹوئٹ نے بھارت میں وبال کھڑا کردیا۔دنیا کے تیزترین انسان یوسین بولٹ کی بجلی سی پھرتی کاراز پتہ چل گیا، بھارتی حکمراں جماعت کے ایم پی اور دلت لیڈر ادت راج کے مطابق یوسین بولٹ نے گائے کا گوشت کھا کر اولمپکس میں نو طلائی تمغے اپنے نام کیے ۔

(جاری ہے)

بھارت میں گائے کے گوشت پرپابندی ہے، ایسے میں بی جے پی رہنما کو ٹوئٹر پر اڑے ہاتھوں لیا گیا، بھارتیوں نے الزام لگایا بی جے پی رہنما یوسین بولٹ کا نام لے کر لوگوں کو گائے کا گوشت کھانے پر اکسا رہے ہے۔تنقید کے بعد دلت رہنماادت راج نے اپنی صفائی میں کہا کہ انھوں نے وہی کہا جو یوسین بولٹ کے ٹرینر نے بتایا، بولٹ غریب تھے اسلیے ٹرینر نے بیف کھانے کا مشورہ دیا تھا، بولٹ بھی مانتے ہیں کہ آج وہ جو ہیں، گائے کے گوشت سے ہے۔