Boneless Fish Pulao Recipe In Urdu - Recipe No. 2846

اشیاہ:
چاول ایک کلو
مچھلی دو کلو
کیوڑہ دو تولے
دہی حسب پسند
زعفران ایک ماشہ
مصالحہ حسب پسند
پیاز ایک پاؤ
بڑی الائچی حسب پسند
لونگ حسب پسند
ترکیب:
مچھلی کا مکمل مصالحہ تیار کر لیا جائے۔ مچھلی کو دہی لگائیں اور پیاز کو گھی میں سرخ کر لیں اور اسے ٹھنڈا کر کے مل لیں۔ پھر مصالحے کو گھی میں خوب اچھی طرح بھون لیں۔ دہی لگے ہوئے مچھلی کے قتلوں کو پانی میں چھینٹا دے کر بھونیں۔ آنچ ہلکی ہونی چاہیے۔ جب آپ دیکھیں کہ مچھلی گلنے لگی ہے تو چاولوں میں مونگ اور الائچیاں ڈال کر انہیں ابال لیں اور پھر نچوڑ لیا جائے۔ اس کے بعد ایک کھلے منہ کی دیگچی لے کر اس میں چاولوں کی تہہ بچھایے اور اس پر مچھلی کے قتلے رکھ دیں اور قتلوں کا لعاب بھی اس پر ڈال دیں اور پھر اس پر چاولوں کی تہہ بچھا دی جائے۔ اسی طرح تہہ پر تہہ لگائی جائے اور دیگچی کا منہ بند کر کے دم پر چھوڑ دیں۔ جب پانی خشک ہو جائے تو نیچے اتار لیں۔ زعفران کو کیوڑے میں پیس کر ڈالیں اور پلیٹ میں نکالتے وقت اس چیز کو مد نظر رکھیں کہ مچھلی کے قتلے ٹوٹنے نہ پائیں۔ اس طرح نہایت لذیذ پلاؤ تیار ہوگا۔