Shahenshah Tikka Recipe In Urdu

شہنشاہی تکے بنانے کی ترکیب

Shahenshah Tikka Recipe In Urdu

اشیاء:
گوشت کلو گرام
پیاز 25گرام
ٹماٹر 50گرام
خشخاش ایک چمچہ
ادرک ایک ٹکڑا
بھنے ہوئے چنے دس گرام
بڑے الائچی ایک عدد
لونگ تین عدد
سیاہ مرچیں ایک چمچہ
دہی ایک کپ
گھی 50گرام
خشک دھنیا ایک چمچہ
سرخ مرچیں ایک چمچہ
نمک حسب منشاء
ترکیب:
بکرے کی ران کا گوشت لے کر اس کے چھوٹے چھوٹے ٹکڑے کریں اور پارچے بنا کر سل پر بٹے سے اس طرح کوٹیں کہ چوڑے اور باریک ہو جائیں ۔ ادرک اور پیاز چھیل کر باریک کاٹ لیں ۔اس کے بعد نمک، سرخ مرچیں ،خشک دھنیا، سیاہ مرچیں، لونگ ،بڑی الائچی کے دانے ،بھنے ہوئے چنے ،ادرک اور خشخاش ڈال کر تمام اجزاء کو خوب اچھی طرح پیس لیں ۔ پھر فرائی پین میں گھی گرم کر کے اس میں پیاز فرائی کریں اور نکال کر باریک پیس لیں ۔ اس پیاز کو بھی پسے ہوئے مسالے میں ملا دیں اور دہی میں ڈال کر مکس کریں ۔اس آمیزے کو گوشت کے پارچوں پر خوب اچھی طرح ملائیں تاکہ مسالہ گوشت میں رچ جائے ۔ ایک گھنٹہ تک اس طرح پڑا رہنے دیں ۔پھر گوشت کے پارچے سیخوں میں پروئیں اور کوئلوں کی دہکتی ہوئی آگ پر پھیرتے ہوئے بھونیں ۔ ساتھ ساتھ گھی میں کپڑا بھگو کر اوپر نچوڑتے جائیں۔جب تکے ٹھیک طرح سرخ ہو جائیں توسیخ سے نکال لیں ۔

متعلقہ پکوان

(3717) ووٹ وصول ہوئے

More Recipes From Kabab And Tikka - مزید کباب و تکہ

More Recipes - مزید تراکیب

Urdu cooking recipe of Shahenshah Tikka, learn easy method to make it, This recipe has all the ingredients of it, with easy step by step instructions and methods to make it and cook it. Shahenshah Tikka is a Kabab And Tikka, and listed in the Kebab aur Tikka. Other Urdu cooking recipes and video cooking recipes are also available online.