Hari Pyaz Aur Moli K Parathy Tips in Urdu - Hari Pyaz Aur Moli K Parathy Totkay - Tip No. 6413

مولی کو چھیل کر کش کرلیں اور دونوں ہاتھوں سے دبا کر اس کا پانی اچھی طرح نچوڑلیں،ہری پیاز کو باریک چوپ کرلیں۔
میدہ اور آٹا ملا کر اس میں نمک اور ایک کھانے کا چمچ کوکنگ آئل ڈالتے ہوئے سادے پانی سے گوندھ کر رکھ لیں۔
فرائینگ پین میں ایک چائے کا چمچ کوکنگ آئل ڈال کر اس میں ہری پیاز کے سفید حصے کو ہلکا سا فرائی کریں۔
پھر اس میں کچلی ہوئی ادرک اور مولی ڈال کر فرائی کریں۔آخر میں نمک،چوپ کی ہوئی ہری مرچیں،اجوائن،لال مرچ اور ہری پیاز کی پتیاں ملاتے ہوئے چولہے سے اتارلیں۔
اس مکسچر کو ٹھنڈا کرکے آٹے کے پیڑوں کے درمیان میں دوکھانے کے چمچ رکھ کر اچھی طرح بند کر دیں۔
ہلکے ہاتھ سے بیلتے ہوئے پراٹھے بنائیں اور کوکنگ آئل ڈال کر گرم توے پر سینک لیں۔