ڈیفنس پولیس نے اسٹریٹ کرمنل اور گٹکا فروش کو گرفتار کرکے اسلحہ اور مضرت صحت گٹکا برآمد کرلیا

پیر 16 اگست 2021 22:59

کراچی (اُردو پوائنٹ اخبارتازہ ترین - این این آئی۔ 16 اگست2021ء) ڈیفنس پولیس نے مختلف کارروائیوں میں گٹکا فروش اور اسٹریٹ کرمنل کو گرفتار کرکے مضر صحت گٹکا ،مین پور ی،چھینا ہوا موبائل فون اور اسلحہ برآمد کرلیا ہے ۔تفصیلات کے مطابق ایس پی کلفٹن کی خصوصی ہدایت پر پہلی کارروائی میں ڈیفنس پولیس نے بدنام زمانہ منشیات فروش محمد حماد عرف انیل ولد محمد نسیم کو گرفتار کرکے مضر صحت گٹکا ،ماوا برآمد کرلیا ہے ۔

ملزم کے خلاف مقدمہ درج کرکے تفتیش کا آغاز کردیا گیا ہے ۔

(جاری ہے)

ملزم عادی جرائم پیشہ ہے اور اس سے قبل بھی گرفتار ہوکر جیل جاچکا ہے ۔ دوسری کارروا ئی پولیس نے تیکنیکی ماہرین کی مدد سے ایک اسٹریٹ کریمنل محسن علی ولد عبدالستار کو گرفتار کرکے اس کے قبضے سے ایک پسٹل 30 بور بلا نمبری معہ لوڈ میگزین 3 راؤنڈ اور چھینا گیا موبائل فون برآمد کرلیا ہے ۔ملزم کے خلاف مقدمہ درج کرکے تفتیش کا آغاز کردیا گیا ہے ۔ ملزم عادی جرام پیشہ ہے جو مختلف تھانہ جات سے قبل ازیں گرفتار ہو کر جیل جا چکا ہے۔ ملزمان کا مزید سابقہ ریکارڈسی آر او سے حاصل کیا جا رہا ہے۔