گورنر سٹیٹ بنک کی تعیناتی آئین کے اندر دی گئی مدت میں کرلی جائیگی، اسحاق ڈار
جمعہ 14 فروری 2014 17:33
اسلام آباد(اُردو پوائنٹ تازہ ترین اخبار۔ 14فروری 2014ء) وفاقی وزیرخزانہ سینیٹر اسحاق ڈارنے کہاہے کہ گورنر سٹیٹ بنک کی تعیناتی آئین کے اندر دی گئی مدت میں کرلی جائیگی،اہل شخص کو تعینات کیاجائیگا،سابق گورنر سٹیٹ بنک نے استعفی اپنی مرضی سے دیا،حکومت کسی کے خلاف انتقامی کارروائی نہیں کرتی،جمعہ کو سینیٹ کے اجلاس میں سنیٹر سلیم مانڈووی والا،سعید غنی ،فرحت اللہ بابر،صغریٰ امام اورسحر کامران کے اس توجہ دلاؤ نوٹس کہ گورنرسٹیٹ بنک آف پاکستان کے استعفی سے متعلق تھاکا جواب دیتے ہوئے وزیرخزانہ اسحاق ڈارنے کہاکہ گزشتہ حکومت کے ادوار میں کئی گورنر تبدیل کیے گئے،لیکن ہم نے کوئی سیاسی پوائنٹ سکورنگ نہیں کی، گورنر سٹیٹ بینک شاہد کاردار نے 8 ماہ اور ایک اور گورنر سلیم رضا نے دو ماہ بعد استعفیٰ دیا، کیا وہ بھی دباؤ کا نتیجہ تھا، ہمیں الزامات کی سیاست ختم کردینی چاہیے تین سال کے لیے ملک میں اہم قومی امور پر سیاست نہ کی جائے ،1997میں جب آئے تھے تو سٹیٹ بنک کو خود مختار بنانے کے لیے اقدامات کیے سابق گورنر نے اکتیس جنوری 2014کو استعفی دیا،انہوں نے خود کام کرنے سے معذرت کی ان کے بیٹے کے سر میں چوٹ آئی سات ماہ تک ان کاہاتھ بٹایا،انہو ں نے کہاکہ ان کا خاندان سنگا پور میں رہائش پذیر ہے سابق گورنر اب سنگاپورمیں نوکری کریں گے اس لیے ایوان میں ان کو زیر بحث نہ لایاجائے اس سے ان کے کیرئیر پر اثر پڑے گا انہوں نے کہ میں کسی کی ذاتیات پر حملے نہیں کرتااورنہ ہی میں شہنشاہ وزیرخزانہ ہوں کہ ایک ایس ایم ایس پر بلٹ پروف گاڑی خریدنے کی اجازت دیدوں،انہوں نے کہاکہ گورنر سٹیٹ بنک کی تعیناتی آئین کے اندر دی گئی نوے روز کے اندر مکمل کرلی جائیگی،اہل شخص کو تعینات کیاجائیگا،اس سے قبل توجہ دلاؤ نوٹس پر بات کرتے ہوئے سینٹر فرحت اللہ بابر نے کہاکہ گورنر سٹیٹ بنک کا ایکٹ اس لیے منظورکیاگیاتھا تاکہ اس کو خود مختار ادارہ بنایاجاسکے اورمانیٹری پالیسی میں حکومتی مداخلت کو روکا جاسکے گورنر سٹیٹ بنک کے استعفی سے پہلے انہوں نے دوبیان دیے تھے جس میں انہوں نے کہاتھا کہ دوکروڑ پچاس لاکھ ڈالر روزملک سے باہر جارہے ہیں اوربنک قرضوں کو معاف نہ کریں اس کے بعد ان کا استعفی آگیاحکومت نے پہلے بھی چیئرمین نادرا،پیمرا،پی سی بی،کو عہدوں سے ہٹایاہے توجہ دلاؤنوٹس پر بات کرتے ہوئے سعید غنی نے کہاکہ حکومت نے دیگر اداروں کے سربراہوں کو ہٹا کرایسی روایت قائم کی ہے کہ کوئی بھی کام کرتے ہیں تو شکوک وشبہات پیدا ہوتے ہیں انہوں نے کہاکہ اورنگزیب کا نام سامنے آرہا ہے وزیرخزانہ بتائیں کہ کیااس شخص کو گورنر سٹیٹ بنک لگایاجارہاہے ،اس موقع پر وزیرخزانہ اسحاق ڈار نے کہاکہ میڈیا آزاد ہے میڈیا پر میرا بس نہیں ہے وہ جو مرضی لکھے حکومت کی کوشش ہوگی کہ بہترین شخص کو تعینات کیاجائے جس پر اپوزیشن لیڈرچوہدری اعتزازاحسن نے کہاکہ وزیرخزانہ نے بہت اچھی باتیں کی ہیں لیکن اورنگزیب کے نام کی انہوں نے تردید نہیں کی ہے۔
متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.