جنگی جنون میں مبتلا بھارت دنیا میں اسلحے کا سب سے بڑا خریدار، پاکستان کا تیسرا نمبر
پیر 17 مارچ 2014 11:20
اسٹاک ہوم(اُردو پوائنٹ تازہ ترین اخبار۔ 17مارچ 2014ء) بین الاقوامی ادارے کی رپورٹ کے مطابق بھارت اس وقت دنیا میں اسلحے کا سب سے بڑا خریدار ہے جس نے اپنے جنگی جنون کی تسکین کے لئے گزشتہ 5 برسوں کے دوران چین اور پاکستان کے مقابلے میں 3 گنا زیادہ مالیت کا اسلحہ خریدا ہے۔اسٹاک ہوم انٹرنیشنل پیس ریسرچ انسٹی ٹیوٹ کی جانب سے جاری رپورٹ کے مطابق 2009 سے 2013 کے دوران امریکا دنیا میں ہتھیاروں کا سب سے بڑا برآمد کنندہ رہا جبکہ روس کا نمبر دوسرا ہے۔
اس دوران دنیا بھر میں فروخت کئے جانے والے ہتھیاروں میں امریکا نے 29 فیصد جبکہ روس نے 27 فیصد ہتھیار دیگر ممالک کو بیچے۔ 2004 سے 2008 کے دوران چین دنیا میں سب سے بڑا اسلحے کا خریدار تھا جبکہ بھارت کا نمبر دوسرا تھا لیکن 2009 سے 2013 کے درمیان بھارت کے جنگی جنون میں اضافہ ہوا اور اب یہ چین کو پیچھے چھوڑ کر پہلے نمبر پر آگیا ہے۔(جاری ہے)
رپورٹ میں انکشاف کیا گیا ہے کہ بھارت نے گزشتہ5 برسوں کے دوران دنیا میں درآمد ہونے والے اسلحے کا 14 فیصد خریدا جبکہ دوسرے اور تیسرے نمبر پر موجود ممالک چین اور پاکستان کا حصہ 5،5 فیصد رہا جو بھارت سے 3 گنا کم ہے۔
13-2009 کے دوران بھارت نے 75 فیصد ہتھیار روس، 7 فیصد امریکا اور 6 فیصد ہتھیار اسرائیل سے خریدے۔ دنیا میں اسلحے کے دوسرے بڑے خریدار چین نے اسی عرصے میں روس سے 64 فی صد، فرانس سے 15 فیصد جبکہ یوکرین سے 11 فیصد ہتھیار خریدے ہیں۔بھارت
نے اربوں ڈالر اپنے ملک میں رہنے والے غریب لوگوں کی فلاح پر خرچ کرنے کے بجائے اپنے جنون کی تسکین پر خرچ کئے اور خطے کے دیگر ممالک کو بھی اسلحے کی دوڑ میں شامل کردیا اور اس کا براہ راست اثر پاکستان پر پڑا، جسے بادل نخواستہ اپنے اثاثے اسلحے کی خریداری میں جھونکنے پڑے۔ 2004 سے 2008 کے دوران ہتھیاروں کی خریداری میں پاکستان کا حصہ 2 فیصد تھا جو 2009 سے 2013 کے درمیان بڑھ کر 5 فیصد ہو گیا۔ اس دوران پاکستان نے 54 فیصد ہتھیار چین سے، 27 فیصد ہتھیار امریکا اور 6 فیصد ہتھیار سویڈن سے خریدے۔رپورٹ کے مطابق 2009 سے 2013 کے دوران بھارت کی جانب سے ہتھیاروں کی درآمد میں 111 فیصد جبکہ پاکستان کی جانب سے 119 فیصد اضافہ ہوا ہے۔
دونوں ممالک نے اربوں ڈالر فضائیہ کی کارکردگی کو بہتر بنانے کے لئے خرچ کئے۔ بھارت نے اپنے بحری بیڑے کے لئے روس سے 90 کی تعداد میں Su 30 MKI اور 27 مگ 29 K لڑاکا طیارے حاصل کئے، اس کے علاوہ بھارت نے 144 روسی T 50 اور 126 فرانسیسی رافیل جنگی طیاروں کی خریداری کے بھی سودے کئے ہیں۔ دوسری جانب پاکستان نے چین سے 42 جے ایف 17 تھنڈر اور 18 ایف 16 لڑاکا طیارے حاصل کئے اس کے علاوہ اس نے اردن سے 13 استعمال شدہ ایف 16 سی خریدنے کا معاہدہ کیا ہے۔مزید اہم خبریں
-
ولادیمیر پوٹن کی پانچویں مدت صدارت کا آغاز
-
افغانستان میں افیون کی پیداوار میں واضح کمی پر کسانوں کی مزاحمت
-
معاشی اشاریے مثبت ہیں، عالمی جریدے بھی پاکستان کی معیشت کی تعریف کر رہے ہیں، وزیر اطلاعات
-
بچوں میں سمارٹ فون کا استعمال ذہنی دباﺅ اور صحت کے مسائل کا باعث بن رہا ہے
-
9 مئی کرنے اورکروانے والوں کو آئین کے مطابق سزا دینا ہوگی، ترجمان پاک فوج
-
وزارت قانون و انصاف نے جسٹس شوکت عزیز کی ریٹائرمنٹ کا باضابطہ نوٹیفکیشن جاری کر دیا
-
تنقید کرنے اور جھوٹ بولنے میں بہت فرق ہے‘کمشنر روالپنڈی معاملے میں تمام میڈیا نے جھوٹ کوپھیلایا. جسٹس قاضی فیض عیسی
-
ہم نے 76سال جھوٹ بولا ، سچ کو چھپایا ہے عوام کو سچ جاننے کا پورا حق ہے‘اعلی عدلیہ کے معاملات میں مداخلت آئین کے ساتھ کھلواڑ ہے.جسٹس اطہر من اللہ
-
پاکستان کے ساتھ یو ایس پاکستان گرین الائنس تلے شراکت داری جاری ہے، امریکی سفیر
-
انتشاری ٹولے سے ہم کوئی بات نہیں کرسکتے ، یہ سیاسی جماعتوں کو زیب دیتی ہے، ڈی جی آئی ایس پی آر
-
بھارت میں کینسر کے کیسز کیوں بڑھ رہے ہیں؟
-
بیرسٹراعتزازاحسن نے فوجی عدالتوں میں شہریوں کے ٹرائل کے خلاف کیس کی جلد سماعت کے لیے سپریم کورٹ میں متفرق درخواست دائر کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.