وفاق اور صوبے مل کر جلد ہی ہیلتھ انشورنس پالیسی شروع کریں گے ، سائرہ افضل تارڑ ،ہیلتھ انشورنس پالیسی کے تحت معمولی بیماریوں کے اخراجات صوبائی حکومتیں برداشت کریں گی ،اجلاس سے خطاب
پیر 28 اپریل 2014 22:40
اسلام آباد (اُردو پوائنٹ اخبار تازہ ترین۔28اپریل۔2014ء)وزیر مملکت برائے نیشنل ہیلتھ سروسز ریگولیشنز اینڈ کوآرڈینیشن سائرہ افضل تارڑ نے کہا ہے کہ وفاق اور صوبے مل کر جلد ہی ہیلتھ انشورنس پالیسی شروع کریں گے جس کا مقصد معاشرے کے چھوٹے طبقات،غربت کی لکیر سے نیچے زندگی گزارنے والے افراد اور مستحقین کو علاج معالجہ اور طبی نگہداشت کی سہولیات فراہم کرنا ہے۔
یہ اپنی نوعیت کا ایک بے مثال اقدام ہو گا۔ اس ہیلتھ انشورنس پالیسی کے نظام پر عمل درآمد صوبائی حکومتیں کریں گی۔ جو کہ اپنی اپنی ممکنہ ضرورت اور تقاضوں کے مطابق نظام ترتیب دے کر چلائیں گی۔ انہوں نے یہ بات پیر کو یہاں صحت کی ہیلتھ انشورنس پالیسی بارے منعقدہ قومی مشاورتی اجلاس سے خطاب کرتے ہوئے کہی۔(جاری ہے)
اجلاس میں صوبائی حکومتوں کے نمائندوں، صوبائی وزراء اور وزارت صحت کے اعلٰی حکام نے شرکت کی۔
وزیر مملکت برائے صحت سائرہ افضل تارڑ نے کہا کہ وفاق اور صوبائی حکومتیں اشتراک کے ساتھ انشورنس کمپنیوں کا انتخاب کریں گی۔ اس ہیلتھ انشورنس پالیسی کے تحت معمولی بیماریوں کے اخراجات صوبائی حکومتیں برداشت کریں گی جبکہ جان لیوا اور مہلک بیماریوں کے علاج معالجہ کے لیے فیڈرل گورنمنٹ سپورٹ کرے گی۔ انہوں نے کہا کہ صوبائی حکومتیں غربت کی لکیر سے نیچے زندگی گزارنے والے افراد اور خاندانوں کو ہیلتھ انشورنس کارڈ جاری کریں تاکہ تمام مستحقین، غریبوں اور مفلس افراد کا ہیلتھ انشورنس کارڈ کے ذریعے علاج ممکن ہو سکے۔اجلاس کے دوران ایک کمیٹی بھی بنائی گئی جو کہ ایک خاص ٹائم کے اندر اندر اپنی سفارشات وزیر مملکت سائرہ افضل تارڑ کو پیش کرے گی۔ اس کمیٹی میں تمام صوبوں اور وفاق کی نمائندگی ہے۔ اجلاس میں اس بات پر بھی اتفاق کیا گیا کہ اس انتہائی اہم اقدام کے حوالے سے منعقدہ اجلاس میں صوبوں کے نمائندے اور کمیٹی اراکین سیاسی وابستگی سے بالاتر ہو کر صحت کے شعبے میں کام کریں گے۔ وزیر مملکت سائرہ افضل تارڑ نے کہا کہ وزیر اعظم پاکستان محمد نواز شریف غربت کی لکیر سے نیچے زندگی گزارنے والے افراد کو صحت کی مفت سہولیات بہم پہنچانا چاہتے ہیں اس حوالے سے چاروں صوبوں کے وزراء صحت کو ہدایات جاری کر دی گئی ہیں۔مزید اہم خبریں
-
چیف جسٹس اگر انصاف فراہم نہیں کرسکتے تو کرسی سے اتر جائیں، پی ٹی آئی کا مطالبہ
-
مسجد کے باہرسے چوری ، وزیراعلیٰ مریم نوازکے حکم پر بزرگ شہری کو نئی سائیکل دلوا دی گئی
-
چینی شہریوں کی حفاظت ہماری قومی ذمہ داری ہے‘ وزیر داخلہ کی چینی قونصل جنرل سے گفتگو
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
وزیر خارجہ اسحاق ڈار کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
سپریم کورٹ میں زیرالتوا مقدمات کی تعداد 57 ہزار سے تجاوزکرگئی
-
شہبازشریف سعودی عرب روانہ ، وزیراعظم ریاض میں عالمی اقتصادی فورم میں شرکت کریں گے
-
وزیراعظم کا کسانوں کیلئے بڑا قدم،وفاقی حکومت کی طرف سے کسانوں سے گندم کی فوری خریداری کا حکم
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے لیے سعودی عرب روانہ
-
ہم سسٹم کے تابع ہوئے بغیر آگے نہیں بڑھ سکتے‘ جسٹس منصور علی شاہ
-
وزیراعظم شہباز شریف عالمی اقتصادی فورم کے خصوصی اجلاس میں شرکت کے لیے سعودی عرب روانہ
-
پاکستان میں موجود چینی شہریوں کی حفاظت ہماری قومی ذمہ داری ہے،پاک چین دوستی کو نقصان پہنچانے کی کوئی سازش کامیاب نہیں ہونے دیں گے، وفاقی وزیر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.