آئین کا احترام نہ کرنے والے طالبان کے خلاف کارروائی ہوگی،سرتاج عزیز،مذاکرات کا مقصددہشت گردی سے چھٹکارہ پاناہے ،پاک ایران گیس پائپ لائن منصوبے پر پابندیوں کی وجہ سے عمل درآمدممکن نہیں،بھارت میں جو بھی نئی حکومت بنے گی اس کے ساتھ ملکر کام کریں گے،شام میں پاکستانی افواج کی خبریں بے بنیادہیں،وزیراعظم کے مشیر خارجہ سرتاج عزیزکا انٹرویو
بدھ 30 اپریل 2014 20:44
تہران(اُردو پوائنٹ اخبار تازہ ترین۔30اپریل۔2014ء) وزیراعظم کے مشیر برائے خارجہ امورسرتاج عزیزنے کہاہے کہ جو طالبان آئین کا احترام نہیں کریں گے ان کے خلاف کارروائی ہوگی، ہماری کوشش ہے کہ مذاکرات کے ذریعے حکومتی رٹ قائم ہو جائے، طالبان سے مذاکرات کا مقصد ملک کو دہشت گردی سے نجات دلانا ہے، بھارت میں جو بھی نئی حکومت بنے گی اس کے ساتھ ملکر کام کریں گے اورتمام تصفیہ طلب امور کے حل کے لیے کوششیں جاری رکھیں گے، پاکستان خطے میں اور عالم اسلام میں اپنی غیر جانبدارانہ پالیسی پر گامزن رہیگا، شام میں پاکستانی افواج ک موجودگی کی خبریں بے بنیادہیں، پاک ایران گیس پائپ لائن منصوبے پر پابندیوں کی وجہ سے عمل درآمدممکن نہیں،ایک انٹرویومیں مشیر خارجہ سرتاج عزیزنے کہاکہ پاکستان افغانستان میں بڑے پیمانے پر مفاہمتی عمل کا خواہشمند ہے، افغانستان میں خانہ جنگی کا زیادہ امکان نہیں، وہاں شدت پسندی ہے جس پر قابو پایا جاسکتا ہے،انہوں نے کہاکہ افغانستان میں عدم استحکام کی وجہ سے پاکستان کو سرحد پارمنظم جرائم کابھی سامناہے،انہوں نے کہاکہ ہماری کوشش ہے کہ مذاکرات کے ذریعے حکومتی رٹ قائم ہو جائے مگر طالبان حکومت کی رٹ چیلنج کریں گے تو حکومت اپنی رٹ قائم کرکے رہیگی اورضرورت پڑی توایکشن بھی کرینگے،انہوں نے کہاکہ جو طالبان آئین کا احترام نہیں کریں گے ان کے خلاف کارروائی کریں گے ،ان کا کہنا تھا کہ طالبان سے مذاکرات کا مقصد ملک کو دہشت گردی سے نجات دلانا ہے لیکن جب بھی حکومت کو یہ نظر آیا کہ طالبان کے کچھ گروہ امن نہیں چاہتے ہیں تو ان کے خلاف آپریشن کیا جائے گا،انہوں نے کہاکہ بھارت میں جو بھی نئی حکومت بنے گی اس کے ساتھ ملکر کام کریں گے اورتمام تصفیہ طلب امور کے حل کے لیے کوششیں جاری رکھیں گے،سرتاج عزیز نے کہا کہ پاکستان خطے میں اور عالم اسلام میں اپنی غیر جانبدارانہ پالیسی پر گامزن رہیگا،ایک اورسوال کے جواب میں انہوں نے کہاکہ شام میں پاکستانی افواج ک موجودگی کی خبریں بے بنیادہیں،پاکستان اپنی غیر جانبدارانہ پالیسی پر قائم ہے اور اس کا وہی موقف ہے جو اقوام متحدہ کی قراردادوں میں شام کے بارے میں ہے،ایک اورسوال کے جواب میں انہوں نے کہاکہ پاک ایران گیس پائپ لائن منصونہ قائم ہے مگر پابندیوں کی وجہ سے اس پر عملدر آمد کے اوقات کار کو از سر نو ترتیب دینا ہوگا۔
مزید اہم خبریں
-
بھارت میں روسی فوج کے لیے بھرتیاں کرنے والے چار ملزم گرفتار
-
عوام کیلئے بری خبر،بجلی کی قیمت میں 2 روپے 83 پیسے فی یونٹ اضافہ کر دیا گیا
-
پوری دنیا میں قیمتی زیورات چرانے والا چور نیویارک میں فلمی اندازمیں گرفتار
-
شیر افضل مروت آؤٹ، پی ٹی آئی کا چیئرمین پبلک اکاؤنٹس کمیٹی کیلئے نئے نام کا باقاعدہ اعلان
-
تعلیم کے بغیر کوئی قوم ترقی نہیں کر سکتی، پاکستانی قوم عزم و حوصلہ سے کسی بھی چیلنج پر قابو پانے کی صلاحیت رکھتی ہے، وزیراعظم محمد شہباز شریف کا شعبہ تعلیم سے متعلق قومی کانفرنس سے خطاب، تعلیمی ایمرجنسی ..
-
وفاقی وزیرداخلہ محسن نقوی کا نان ڈویلپ سکیٹرز کو فوری ڈویلپ کرنے اور اسلام آباد کی اراضی کو ڈیجیٹلائز کرنے کی ہدایات
-
9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا، بانی پی ٹی آئی
-
شیرافضل مروت کی بانی پی ٹی آئی سے ملاقات نہ کرسکے
-
توشہ خانہ کیس،عمران خان، بشریٰ بی بی کی نیب طلبی کیخلاف درخواست پر فریقین کو نوٹس جاری
-
پاکستان کی بڑی کامیابی،آئی کیوب قمر چاند کے مدار میں داخل
-
وزیراعظم کا ایرانی صدر کے حالیہ دورے میں طے معاہدوں پر بلا تاخیر عمل درآمد کا حکم
-
ملین پاؤنڈ ریفرنس، عمران خان، بشریٰ بی بی کیخلاف مزید ایک گواہ کا بیان قلمبند، ایک پر جرح مکمل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.