بھارتی لوک سبھا کے انتخابات میں ووٹوں کی گنتی کا عمل جاری
جمعہ 16 مئی 2014 11:46
ممبئی(اُردو پوائنٹ تازہ ترین اخبار۔ 16مئی 2014ء) بھارت میں لوک سبھا کی 543 نشستوں کے لئے 6 ہفتے قبل شروع ہونے والے انتخابات میں ووٹوں کی گنتی کا عمل جاری ہے۔ بھارتی میڈیا کے مطابق لوک سبھا کے انتخابات میں مسلمانوں کی دشمن اور پاکستان مخالف بھارتیہ جنتہ پارٹی کی کامیابی کے امکانات ظاہر کئے جارہے ہیں۔ ایگزٹ پول کے سروے کے مطابق انتخابات میں بی جے پی اتحاد میں شامل 28 جماعتیں 249 سے 340 سیٹیں حاصل کر سکتی ہے جب کہ جو جماعت 272 سیٹیں حاصل کرے گی اسے لوک سبھا میں اکثریت حاصل ہوگی۔
الیکشن کمیشن نے عوامی سروے کی رپورٹس کے پیش نظر بی جے پی کے وزیراعظم کے لئے امیدوار نریندر مودی کے حلقے اور ہندوؤں کے مقدس شہر وراناسی میں انتخابی کامیابی کے جشن پر پابندی لگادی ہے جب کہ پولیس نے حساس شہروں میں ناکہ بندی کرتے ہوئے اضافی نفری طلب کرلی ہے۔
(جاری ہے)
دوسری جانب بھارتیہ جنتہ پارٹی کے ترجمان کا کہنا ہے کہ پارٹی کی کامیابی کا مرکزی جشن نئی دلی میں منایا جائے گا تاہم پارٹی کے وزیراعظم کے امیدوار نریندر مودی ریاست گجرات میں ہی رہیں گے۔
واضح رہے کہ بھارت میں 7 اپریل سے 12 مئی تک 9 مراحل میں مکمل ہونے والی ووٹنگ کے طویل عمل میں 55 کروڑ سے زائد افراد نے اپنا حق رائے دہی استعمال کیا، 18 لاکھ الیکڑانک ووٹنگ مشینوں کا استعمال کیا گیا جب کہ الیکشن کمیشن کے مطابق اس بار سب سے زیادہ 66.38 فیصد ووٹنگ ہوئی۔
مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.