تہران: مسافر بردار طیارہ گر کر تباہ ، 48 افراد ہلاک

اتوار 10 اگست 2014 12:29

تہران(اُردو پوائنٹ اخبار تازہ ترین۔10اگست۔2014ء) ایران میں مسافر بردار طیارہ ٹیک آف کے کچھ دیر بعد رہائشی علاقے میں گر کر تباہ ہوگیا، حادثے میں 48 افرادجاں بحق ہوئے ہیں ۔ایرانی میڈیا کے مطابق مسافر بردار طیارہ تہران کے مہر آباد ائرپورٹ سے مشرقی شہر طَبس جارہا تھا جو ٹیک آف کے کچھ دیر بعد رہائشی مضافاتی علاقے آزادی میں گر کر تباہ ہوگیا ۔

(جاری ہے)

ایرانی حکام کے مطابق مرنے والوں میں 7 بچے بھی شامل ہیں 10 افراد کی لاشیں ملبے سے نکال لی گئی ہیں ۔یہ واضح نہیں ہوسکا کہ مرنے والے تمام افراد طیارے کے مسافر تھے یا زمین پر بھی کچھ ہلاکتیں ہوئی ہیں ۔ اس بارے میں بھی واضح اطلاعات نہیں ہیں کہ طیارہ کس ائر لائن کا تھا ۔ ایک رپورٹ کے مطابق طیارہ تابان ائر لائن کا تھا جبکہ ایک اور رپورٹ میں طیارے کا تعلق سِپاھان ائر لائن سے بتایا گیا ہے ۔

Facebook Twitter Google + Share on Whatsapp

تہران: مسافر بردار طیارہ گر کر تباہ ، 48 افراد ہلاک

متعلقہ عنوان :

مزید بین الاقوامی خبریں