آسٹریلیا کی مہاجرین سے متعلق سخت پالیسی کوعدالت میں چیلنج کردیاگیا
بدھ 15 اکتوبر 2014 13:25
کینبرا(اُردو پوائنٹ اخبار تازہ ترین۔15 اکتوبر۔2014ء) ہجرت کر کے آسٹریلیا آنے والے تارکین وطن سے متعلق آسٹریلوی حکومت کی متنازعہ پالیسی کو ملکی عدالت میں چیلنج کر دیا گیا ہے۔ ان مقدمات کے فیصلے حکومتی پالیسیوں پر دور رس اثرات مرتب کر سکتے ہیں۔جرمن خبر رساں ادارے کے مطابق دار الحکومت کینبرا کی ہائی کورٹ نے ملکی حکومت کے اس قانون کے خلاف ایک اپیل کی سماعت شروع کر دی ہے جس کے تحت ایک سو ستاون تامل تارکین وطن کو کئی ہفتوں تک جون کے مہینے میں قید میں رکھا گیا تھا۔
آسٹریلوی شہر بریسبن میں بھی وفاقی عدالت ایک اور مقدمے پر غور کر رہی ہے جو کہ ہجرت کر کے آسٹریلیا آنے والے افراد کے آسٹریلوی سرزمین پر پیدا ہونے والوں بچوں کے حوالے سے ایک مثال قائم کر سکتا ہے۔(جاری ہے)
یاد رہے کہ آسٹریلیا میں سیاسی پناہ کی متلاشی متعدد مائوں نے مہاجر کیمپ میں خودکشی کرنے کی کوشش بھی کی ہے تاکہ ان کے بچوں کو آسٹریلیا کی شہریت مل سکے۔
اس کا مقصد آسٹریلیا حکومت پر دباو بڑھانا بھی ہے۔ تامل باشندوں کے لیے مقدمہ لڑنے والے وکلا کا موقف ہے کہ ان افراد کو غیر قانونی طور پر ایک جہاز میں مقید رکھا گیا تھا۔ مذکورہ افراد کو اس وقت پیسیفک کے ایک جزیرے نورو میں ایک کیمپ میں نظر بند رکھا گیا ہے۔ یہ مقدمہ اس بات پر زور دیتا ہے کہ آسٹریلوی حکومت کو یہ اختیار کیسے حاصل ہو گیا کہ وہ ہجرت کر کے آسٹریلیا پہنچنے کی کوشش کرنے والے افراد کو سمندر ہی میں روک کر، تفتیش کر کے دیگر ممالک منتقل کر سکتی ہے۔ مذکورہ افراد میں پچاس بچے بھی ہیں۔ یہ جون کے مہینے میں بھارتی شہر پانڈی چیری کی بندرگاہ سے آسٹریلیا کی جانب روانہ ہوئے تھے ، تاہم ان کو آسٹریلیا پہنچنے سے قبل ہی روک دیا گیا تھا۔متعلقہ عنوان :
مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.