مسکراتے اونٹ نے مصری نوجوانوں کو ’ہیرو‘ بنا دیا
اتوار 19 اکتوبر 2014 16:29
قاہرہ(اُردو پوائنٹ اخبار تازہ ترین۔19اکتوبر۔2014ء)مصری نوجوان حسام انتیکا کو اندازہ نہیں تھا کہ وہ اونٹ کے ساتھ تصویر بنا کر سوشل میڈیا پر ہیرو بن جائے گا۔ انہوں نے اپنے دوستوں کرم عبدالعزیز اور میسارا صلاح کے ساتھ کچھ اس طرح 'سیلفی' بنائے کہ پس منظر میں ایک ایک 'مسکراتا' اونٹ بھی سیلفی فریم میں نمایاں نظر آیا۔ سوشل میڈیا پر یہ منفرد تصویر بہت زیادہ مقبول ہوئی۔
عرب ٹی وی کے مطابق حسام نے کارٹر نیوز ایجنسی کو تصویر کے تخیل کے بارے میں بتاتے ہوئے کہا کہ انہوں نے اونٹ کو چارا کھلایا اور پھر اس سے کچھ دیر کھیلتے رہے، بعد میں انہیں اپنے دو دوستوں اور ایک نئے دوست کے ہمراہ سیلفی بنانے کا شوق چرایا، انہیں اندازہ نہیں تھا کہ سیلفی کے پس منظر مین کھڑا دوست مسکرا رہا تھا۔(جاری ہے)
تصویر بننے کے بعد ان کی حیرت کی انتہا نہ رہی کہ منفرد 'سیلفی' میں دو دوستوں کے ہمراہ ان کا تیسرا دوست اونٹ بھی مسکرا رہا تھا۔
اس تصویر کو حسام نے رات کو سوشل میڈیا پر فیس بک کے ذریعے پوسٹ کیا، تاہم صبح بیدار ہونے پر اس کی حیرت کی انتہا نہ رہی کہ ان کی 'منفرد سیلفی' جنگل میں آگ کی طرح پھیل کر مقبولیت کے ریکارڈ قائم کر چکی ہے۔اس تصویر پر کئے جانے والے تبصروں میں ایک تبصرہ نگار نے اپنے پرلطف تبصرے میں کہا کہ ٹھیک ہے ایک عام سے نوجوان سے اونٹ کے ساتھ تصویر بنوا کر فیس بک پر مشہوری حاصل کر لی تاہم یہ بات اپنی جگہ محل نظر ہے کہ اونٹ عمومی طور پر مسکراتا نہیں، میرا گمان ہے کہ سیلفی کے شوقین نوجوانوں نے یقیناً اونٹ کو کچھ ایسی چیز کھلائی کہ جس سے اس کے صحرائی جہاز کے چہرے پر 'مسکراہٹ' بکھری۔مزید بین الاقوامی خبریں
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
-
یوکرین کیلئے چھ ارب ڈالر کے نئے امریکی پیکج کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.