ہائیکورٹ نے وزیر اعظم کے دورہ نیوریارک کی تفصیلات اوروزارت خارجہ کے نمائندے کو آئندہ سماعت پرطلب کر لیا،
بتایا جائے اس ملک میں کوئی ایسا قانون موجود ہے جو وزیر اعظم سمیت عوامی نمائندوں کے بیرونی دوروں پر سرکاری خزانہ سے پیسے کے استعمال کی حد مقرر کرتا ہو‘ عدالت کا حکومت سے استفسار
جمعرات 6 نومبر 2014 20:14
لاہور( اُردو پوائنٹ اخبار تازہ ترین۔6نومبر 2014ء) لاہور ہائیکورٹ نے وزیر اعظم کے اپنے اہل خانہ کے ہمراہ بیرون ملک دوروں پر پابندی کیلئے دائر درخواست پروزیر اعظم کے دورہ نیوریارک کی تفصیلات دوبارہ طلب کرتے ہوئے وزارت خارجہ کے نمائندے کو بھی آئندہ سماعت پرطلب کر لی ۔ جبکہ فاضل عدالت نے وفاقی حکومت سے استفسار کیا ہے کہ عدالت کو بتایا جائے کہ اس ملک میں کوئی ایسا قانون موجود ہے جو وزیر اعظم سمیت عوامی نمائندوں کے بیرونی دوروں پر سرکاری خزانہ سے پیسے کے استعمال کی حد مقرر کرتا ہو۔
جمعرات کے روز لاہور ہائیکورٹ کے جسٹس سید منصور علی شاہ نے بیرسٹر جاوید اقبال جعفری کی درخواست پر سماعت کی۔درخواست گزار نے کہا کہ وزیر اعظم اہل خانہ کے ہمراہ بیرون ملک دورے کرتے ہیں جس پر سرکاری خزانے سے پیسہ خرچ کیا جاتا ہے لہٰذاوزیر اعظم کے اہل خانہ سمیت بیرون ملک دوروں پر پابند ی لگائی جائے۔(جاری ہے)
سماعت کے دوران حکومت کے وکیل نے بتایا کہ درخواست گزار نے اپنی پٹیشن میں وزیر اعظم کے دورہ امریکہ کی تفصیلات سے متعلق استدعا ہی نہیں کی جس کی وجہ سے وزیر اعظم کے دورہ نیویارک کی تفصیلات جمع نہیں کرائی جاسکتیں۔
فاضل عدالت نے کہا کہ عدالت کا فیصلہ بالکل واضح تھا اور عدالتی فیصلے میں تفصیلات طلب کی گئیں تھیں۔ عدالت نے وفاقی حکومت کے وکیل کو ہدایت کی آئندہ سماعت پر وزیر اعظم کے دورہ نیویارک کی تفصیلات جمع کرائی جائیں اور عدالت کو یہ بھی بتایا جائے کہ اس ملک میں کوئی ایسا قانون موجود ہے جو وزیر اعظم سمیت عوامی نمائندوں کے بیرون دوروں پر سرکاری خزانہ سے پیسے کے استعمال کی حد مقرر کرتا ہو۔عدالت نے مزید سماعت 12نومبر تک ملتوی کر دی۔متعلقہ عنوان :
مزید اہم خبریں
-
علاقائی سلامتی کو درپیش خطرات سے نمٹنا امریکہ اور پاکستان کے مشترکہ مفاد میں ہے.امریکی محکمہ خارجہ
-
سائفر کیس میں اہم پیش رفت:ایف آئی اے ثابت کرنے میں ناکام ہوگیا ہے کہ خفیہ کیبلز یا سائفر عمران خان کے قبضے میں تھا .اسلام آباد ہائی کورٹ
-
جنرل باجوہ کو ایکسٹینشن دینا غلطی تھی، جب شخصیات مضبوط ہوں تو ادارے کمزور ہوتے ہیں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
کورکمیٹی پی ٹی آئی نے 9 مئی کے بعد علیحدگی اختیار کرنے والوں سے متعلق فیصلہ سنا دیا
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
-
پی ٹی آئی نے اسٹیبلشمنٹ سے بات ہی کرنا تھی تو حملے کی کیا ضرورت تھی ‘ سپیکرملک احمد خان
-
اوگرا نے ایل پی جی کے 11.8 کلو گرام سلنڈر کی قیمت میں 140.88 روپے کمی کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.