سوئٹزرلینڈ اور اٹلی میں طوفانی بارشوں میں چار افراد ہلاک

پیر 17 نومبر 2014 12:18

جنیوا(اُردو پوائنٹ تاز ترین اخبار۔ 17نومبر 2014ء)جنوبی سوئٹزرلینڈ اور شمالی اٹلی میں طوفانی بارشوں کے بعد مٹی کے تودے گرنے سے کم از کم چار افراد ہلاک ہوگئے ہیں۔غیرملکی خبررساں ادارے کے مطابق سوئس قضبے لیوگانو کے قریب گزشتہ روز ایک گھر پر مٹی کی دیوار گرنے سے دو خواتین ہلاک ہوگئیں۔سوئس حکام کے مطابق ڈاویسکو سارانگنو گاوٴں میں ہلاک ہونے والی ان خواتین کی عمریں 34 اور 38 سال تھیں۔

اٹلی میں ایک عمر رسیدہ شخص اور ان کی پوتی اس وقت ہلاک ہوئیں جب مٹی کے ایک بڑے تودے نے ان کے گھر کو اپنی لپیٹ میں لے لیا۔یہ ہلاکتیں اٹلی کے علاقے سیر ڈی لیوینو میں ہوئیں۔ ہلاک شدگان میں ایک 70 سالہ شخص او ان کی 16 سالہ پوتی شامل ہیں اور ان کے لواحقین ان کی موت پر ماتم کناں ہیں۔اٹلی میں 44 سالہ ایک تیسرے شخص کو ملبے سے نکال کر بچا لیا گیا اور انھیں ہسپتال منتقل کر دیا گیا ہے۔

(جاری ہے)

خطے میں تیز بارشوں کے جاری رہنے کا امکان ہے اور دونوں ممالک کی حکومتوں نے متوقع سیلاب کے حوالے سے الرٹ جاری کیا ہے۔لیوگانو اور میگیری جھیلوں کی سطح جو عموماً کم ہوتی ہے، خطرناک حد تک بڑھ گئی ہے۔علاقے میں اتنی زیادہ بارش ہوئی ہے جو عموماً پورے سال میں بھی یہاں نہیں ہوتی۔شمالی اٹلی میں ویگیوانو کے قریب دریائے ٹیسینوں کی سطح بڑھ گئی ہے اور پانی اس کے کناروں سے نکل کر باہر بہہ رہا ہے

Facebook Twitter Google + Share on Whatsapp

سوئٹزرلینڈ اور اٹلی میں طوفانی بارشوں میں چار افراد ہلاک

مزید بین الاقوامی خبریں