امریکی وزیرخارجہ کا دورہ یوکرین؛ نائٹ کلب میں گانا گانے کی ویڈیووائرل

کیف(اُردو پوائنٹ اخبارتازہ ترین - آن لائن۔ 15 مئی2024ء) امریکی وزیر خارجہ انٹونی بلنکن یوکرین کی ایک ویڈیو سوشل میڈیا پر وائرل ہورہی ہے جس میں انھیں ایک نئے روپ میں دیکھا جا سکتا ہے۔عالمی خبر رساں ادارے کے مطابق امریکی وزیر خارجہ انٹونی بلنکن کو اپنے دورہ یوکرین کے دوران نائٹ کلب میں گٹار بجاتے اور گانا گاتے دیکھا جا سکتا ہے۔ جس کی ویڈیو سوشل میڈیا پر وائرل ہوگئی۔

(جاری ہے)

انٹونی بلنکن نے امریکا کے آنجہانی گلوکار نیل ینگ کا مشہور گانا ’راکنگ ان دی فری ورلڈ‘ کو یوکرین کے دارالحکومت کیف کے ایک نائٹ کلب میں بینڈ 19.99 کے ساتھ گایا۔ یہ وہ گانا ہے جو سویت یونین سے آزادی کی تحریک کے وقت اپنی مقبولیت کے عروج پر تھا۔امریکی وزیر خارجہ انٹونی بلنکن نے نائٹ کلب میں گانا گانے سے پہلے مختصر سی تقریر میں کہا کہ یوکرینی فوجی صرف یوکرین کی نہیں بلکہ ایک آزاد دنیا کے لیے لڑ رہے ہیں۔وزیر خارجہ نے مزید کہا کہ یہی وجہ ہے کہ آزاد دنیا کو بھی روس کے خلاف جنگ میں یوکرین کا ساتھ دینا چاہیے۔انھوں نے یوکرین کے شہریوں کو امریکا کی حمایت کا یقین دلاتے ہوئے کہا کہ ہمیں اندازہ ہے اس وقت شہری کیا جھیل رہے ہیں۔