فیس بک کا ’ڈس لائک‘ بٹن شامل کرنے پر غور کررہے ہیں، بانی فیس بک
ہفتہ 13 دسمبر 2014 15:54
نیویارک(اُردو پوائنٹ تازہ ترین اخبار۔ 13 دسمبر 2014ء) سماجی روابط کے لیے دنیا کی مقبول ترین ویب سائٹ فیس بک کے بانی مارک زکربرگ نے کہاہے کہ کمپنی پیغامات کو ’ڈس لائک‘ یا ناپسند کرنے کا بٹن شامل کرنے کے طریقوں پر غور کر رہی ہے۔غیرملکی خبررساں ا دارے کے مطابق امریکی ریاست کیلیفورنیا میں سوال و جواب کے ایک سیشن کے دوران ان کا کہنا تھا کہ ’ڈس لائک‘ کی سہولت وہ چیز ہے جس کی فرمائش سب سے زیادہ فیس بک صارفین کرتے ہیں۔
انھوں نے کہا کہ ویب سائٹ کو یہ بٹن متعارف کروانے سے پہلے یہ یقینی بنانا ضروری ہے کہ یہ کہیں صارفین کے پیغامات کو نیچا دکھانے کی کوشش میں استعمال نہ ہو۔فیس بک کے اپنے اعدادوشمار کے مطابق روزانہ اس کے صارفین ساڑھے چار ارب پیغامات کو پسند کرتے ہیں یعنی ’لائک‘ کا بٹن دباتے ہیں۔(جاری ہے)
فیس بک کے صدر دفتر میں بات چیت کے دوران مارک زکربرگ نے کہا کہ ’ایک چیز جو ہم خاصے عرصے سے سوچ رہے ہیں وہ یہ ہے کہ ایسا کیا طریقہ ہو سکتا ہے جو لوگوں کے جذبات کا صحیح عکاس بن سکے۔
ان کا کہنا تھا کہ ’بہت سے لوگ اپنی زندگی کے افسردہ یا اداس پہلو فیس بک پر دوسروں سے شیئر کرتے ہیں۔ ہمیں اکثر لوگ بتاتے ہیں کہ وہ ان پیغامات کو لائک نہیں کرنا چاہتے کیونکہ یہ مناسب نہیں لگتا۔مارک زکربرگ نے کہا کہ ساتھ ساتھ ایسے بھی لوگ ہیں جو کسی پوسٹ پر اپنی ناپسندیدگی کا اظہار کرنے کے لیے ’ڈس لائک‘ کا بٹن مانگ رہے ہیں جو ’ہمارے خیال میں ایک اچھا خیال نہیں ہے‘۔انھوں نے کہا کہ ’میرے نزدیک لوگوں کو ان کے مختلف جذبات کی ترجمانی کرنے کے لیے مختلف طریقے فراہم کرنا بہت اہم ہے۔خیال رہے کہ حال ہی میں فیس بْک نے جعلی فیس بْک لائکس کرانے والے نیٹ ورکس کے خلاف جنگ کا اعلان کرتے ہوئے ایسے اکاوٴنٹس کو جارحانہ طور پر ختم کرنے کے عزم کا اظہار کیا ہے۔ویب سائٹ کا کہنا ہے کہ اس نے اب تک قانونی کارروائیوں کے ذریعے 2 ارب ڈالر کے قریب رقم مختلف مقدمات جعل سازوں سے جیتے ہیں جو ایسے کاروبار چلاتے تھے۔بہت سارے کاروبار جعلی لائکس کے لیے پیسے دیتے ہیں تاکہ اْن کا کاروبار زیادہ مقبول نظر آئے۔متعلقہ عنوان :
مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.