سانحہ پشاور پردکھی اور غمزدہ خاندانوں کے ساتھ ہیں ،مذمت کا لفظ انصاف نہیں کرتا، مولانا عبدالعزیز
جمعرات 18 دسمبر 2014 11:59
اسلام آباد(اُردو پوائنٹ تازہ ترین اخبار۔ 18 دسمبر 2014ء) سابق خطیب لال مسجد مولانا عبدالعزیز نے کہاہے کہ سانحہ پشاور پردکھی اور غمزدہ خاندانوں کے ساتھ ہیں مگرمذمت کا لفظ انصاف نہیں کرتا، ہمیں دہرامعیار ترک کرنا ہوگا، سب کیا دھرا ناعاقبت اندیش حکمرانوں کی پالیسیوں کا نتیجہ ہے سانحہ پشاور ردعمل کا اظہار ہے، ملک میں شریعت کا نفاذ ناممکن بنایا جارہاہے، 55 سال تک پرامن طریقے سے نفاذ شریعت کی کوشش کی مگر تمام راستے بند کردیئے گئے، ہمیں دیکھنا ہوگا کہ دہشت گردی کے خلاف جنگ شرعاً جائز ہے یا اتحادی بننا جائز تھا ،مولاناعبدالعزیز کے 4سوال ۔
بدھ کے روز جامعہ جفصہ اسلام آباد میں ”آن لائن “ کو خصوصی انٹرویو دیتے ہوئے مولانا عبدالعزیز نے کہاکہ پشاور سانحہ کے غمزدہ خاندانوں کے ساتھ ہیں دکھی ہیں، رنج و الم میں مبتلا ہیں تمام خاندانوں کیساتھ نہ صرف تعزیت کرتے ہیں بلکہ اس حادثے کا شکار ہونیوالے جاں بحق افراد کیلئے دعائے مغفرت بھی کرتے ہیں۔(جاری ہے)
ایک سوال پر مولانا عبدالعزیز نے کہاکہ یہ سب کچھ کیا دھراہمارے عاقبت نااندیش حکمرانوں کی وجہ سے ہے جنہوں نے قرآن و سنت کی تعلیمات کو ایک طرف رکھ کر اپنے مفادات کی خاطر غیروں کے ساتھ دوستیاں بڑھائیں اور جونوجوان کل کشمیر جہاد میں برسر پیکار تھے آج ان کو اپنے سامنے لاکھڑا کیاہے ۔
اس سوال پر کہ کیا معصوم بچوں کو شہید کرنا یا خاتون کو زندہ جلانا جائز یا جہا د ہے تو سابق خطیب لال مسجد نے کہاکہ یہ رد عمل ہے ہمیں اس بارے بھی غور کرنا ہوگا کہ ہم جس طرح امریکہ و دیگر غیروں کے اتحادی بن رہے ہیں کیا وہ شرعی لحاظ سے جائز بھی ہے ؟ کیا واقعی مجاہدین دہشت گردبن چکے ہیں ؟کیا پاک فوج کا دہشت گردی کیخلاف اس جنگ میں حصہ لینا شرعاً جائز ہے ؟جیٹ طیارے جو بمباری کررہے ہیں کیا وہ شرعی طور پر جائز ہے ؟۔ ایک اور سوال پر مولانا عبدالعزیز نے کہاکہ ہمیں تمام مسائل شریعت کی رو سے دیکھنا ہونگے جس کو چاہا دہشت گردی کا لیبل لگا کر اس کی جان لے لی، جیٹ طیاروں اور بمباری و فائرنگ سے اگر ہلاکتیں کی جائیں گی تو اس کا رد عمل بھی آئیگا۔ ایک اور سوال پرمولانا عبدالعزیز نے کہاکہ جب حکومت طالبان کے مذاکرات شروع ہوئے تو اس وقت بھی میں نے موقف اختیار کیا تھا کہ اگر طالبان ملک میں شریعت کے نفاذ کا مطالبہ کرتے ہیں تو اسے نافذ کردیا جائے اس کو ماننے میں حرج نہیں ہے ۔ انہوں نے ایک اور سوال پر کہاکہ کہا جاتا ہے کہ بندوق کی نوک پر شریعت نافذ نہیں ہوسکتی تو 55سال سے زائد وقت گزر گیا لیکن شریعت نافذ کی نہیں کی گئی بلکہ نفاذ شریعت کے تمام دروازے بند کردیئے گئے ۔ واقعہ کی مذمت بارے سوال کے جواب میں مولانا عبدالعزیز نے کہاکہ مذمت کا لفظ انصاف کے تقاضے پورے نہیں کرتا کیونکہ اگر جیٹ طیاروں کی بمباری سے ہلاکتوں پر ہم ساقط رہتے ہیں تو پھر ہم اس معاملے پر بھی خاموشی کوہی بہتر سمجھتے ہیں کیونکہ اگر دو بھائیوں میں طاقت ور بھائی کے کاموں پر ہم تنقید نہیں کرسکتے تو پھر ہم کمزور بھائی کی کارروائیوں پر کیوں چیخ اٹھتے ہیں اگر مذمت کرنا ہے تو پھر دہرا معیار ترک کرنا ہوگا اور تمام واقعات کی مذمت کرنا ہوگی۔متعلقہ عنوان :
مزید اہم خبریں
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
اگر 9 مئی والوں سے مذاکرات ہوئے تو پھر آئندبڑا سانحہ ہوسکتا ہے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.