علاج معالجے کی سہولتوں کی فراہمی کا سب سے بڑا ذریعہ صحت مرکز پنگریو سیوریج کے پانی کی جھیل بن گیا
جمعرات 1 جنوری 2015 16:24
پنگریو ( اُردو پوائنٹ اخبارتاز ترین ۔ 1جنوری 2015ء) پنگریو شہر اور گرد ونواح کی بہت بڑی آبادی کو علاج معالجے کی سہولتوں کی فراہمی کا سب سے بڑا ذریعہ صحت مرکز پنگریو سیوریج کے پانی کی جھیل بن گیا ہے تعفن زدہ گندے پانی کے باعث صحت مرکز کے ڈاکٹروں، پیرا میڈیکل عملے اورعلاج کے لئے آنے والے مریضوں کا اسپتال میں بیٹھنا محال ہو گیا ہے اور مسلسل پانی میں گھرے رہنے کے باعث کروڑوں روپے مالیت کی یہ بلڈنگ زبوں حال ہو گئی ہے جبکہ اسپتال میں مچھروں کی بھر مار ہے اسپتال کے ڈاکٹروں کا کہنا ہے کہ سیوریج کے تعفن زدہ پانی کے باعث اسپتال آنے والے مریضوں کو کئی مہلک امراض لا حق ہو سکتے ہیں تفصیلات کے مطابق پنگریو شہر کے سیوریج کا پانی اخراج کر نے والی پائپ لائن ٹوٹ جانے کے باعث سیوریج کا انتہائی گندہ اور بد بو دار پانی صحت مرکز پنگریو میں داخل ہو گیا ہے جس کی وجہ سے اسپتال شفاخانے کے بجائے گندے پانی کی جھیل بن گیا ہے سیوریج کا پانی صحت مرکز کے احاطے سمیت چاروں اطراف پھیل چکا ہے اسپتال کے ڈاکٹروں، پیرا میڈیکل عملے اور مریضوں کو دو سے تین فٹ گندے پانی سے گزر کر اسپتال کے اندر جانا پڑتا ہے جس کی وجہ سے ڈاکٹروں ، پیرا میڈیکل عملے اور مریضوں کو سخت مشکلات اور پریشانیوں کا سامنا کرنا پڑرہا ہے اور اس صورتحال میں پیرا میڈیکل عملے نے ڈیوٹیاں کر نے سے انکار کر دیا ہے اسپتال کا دورہ کر نے والی پنگریو کے صحافیوں کی ٹیم کو صحت مرکز پنگریو کے میڈیکل سپرنٹنڈنٹ ڈاکٹر عرفان اشرف کمبھر نے بتایا کہ سیوریج کے ساتھ ساتھ فراہمی آب کی پائپ لائن اسپتال کے سامنے اور احاطے کے اندر جگہ جگہ سے ٹوٹ چکی ہے جس کی وجہ سے دونوں پائپ لائنوں کا پانی ہر وقت رستا رہتا ہے اب صورتحال یہ ہو گئی ہے کہ اسپتال چاروں طرف سے پانی کے گھیرے میں آچکا ہے اور ڈاکٹروں، پیرا میڈیکل عملے، مریضوں کو اپنے جوتے اتار کر اس گندے پانی میں سے گزر کر صحت مرکز کے اندر آنا پڑتا ہے جس سے تنگ آکر پیرا میڈیکل عملے نے ڈیوٹی پر آنے سے جواب دے دے دیا ہے انہوں نے بتایا کہ حادثات اور دیگر واقعات میں زخمی ہو کر علاج کے لئے آنے والے مریضوں کو بھی اسی گندے اور مضر صحت پانی سے گزر کر اسپتال کے اندر آنا پڑتا ہے جس کی وجہ سے ایسے مریضوں کو دیگر مہلک امراض لگنے کا خدشہ پیدا ہو گیا ہے میڈیکل سپرنٹنڈنٹ نے مزید بتایا کہ مسلسل پانی میں گھرے رہنے کے باعث اسپتال کی بلڈنگ بہت زبوں ہو چکی ہے اور اس کے جلد گر جانے کا خدشہ پیدا ہو گیا ہے انہوں نے بتایا کہ اس گندے پانی میں سانپ اور دیگر موذی کیڑے مکوڑے بھی پائے جاتے ہیں جو کہ کسی بھی وقت کسی مریض ، ڈاکٹر یا پیرا میڈیکل عملے کی جانوں کے لئے خطرے کا باعث بن سکتے ہیں ایک سوال کے جواب میں ڈاکٹر عرفان اشرف کمبھر نے بتایا کہ انہوں نے اس صورتحال کے بارے میں یونین کونسل پنگریو، ٹاؤن کمیٹی پنگریو، ڈی ایچ او بدین اور ڈپٹی کمشنر بدین کو بھی تحریری طور پر آگاہ کیا ہے مگر اب تک کسی نے بھی اس معاملے کا نوٹس نہیں لیا جس کی وجہ سے سیوریج کے پانی کی سطح دن بدن بڑھتی جارہی ہے جو کہ کسی بھی وقت کسی سانحے کا باعث بن سکتی ہے اس موقع پر اسپتال میں اپنے علاج معالجے کے لئے آنے والے مریضوں نے صحافیوں کی ٹیم کے سامنے زبردست احتجاج کیا اور کہا کہ صحت مرکز پنگریو میں سیوریج کے تعفن زدہ پانی کی موجودگی کے باعث ان کا دم گھٹ رہا ہے اور یہ اسپتال اب گندے پانی کا تالاب بن گیا ہے جس کی وجہ سے علاج کرانے کے لئے آنے والے مریض شفا یاب ہو نے کے بجائے اپنے ساتھ کئی بیماریاں لے جارہے ہیں مریضوں نے کروڑوں روپے مالیت کے اس اسپتال پر توجہ نے دینے پر ڈپٹی کمشنر بدین ڈی ایچ اور اور دیگر حکام کے خلاف احتجاج کرتے ہوئے وزیر اعلیٰ سندھ، صوبائی وزیر صحت، سیکریٹری صحت اور ایم پی اے بیرسٹر حسنین علی مرزا سے مطالبہ کیا ہے کہ اس معاملے کا نوٹس لیا جائے اور صحت مرکز سے سیوریج کے پانی کا اخراج کرواکر ٹوٹنے والی پائپ لائن کی مرمت کرائی جائے تاکہ کروڑوں روپے مالیت کی یہ بلڈنگ گرنے سے بچ سکے اور مریضوں ، ڈاکٹروں، پیرا میڈیکل عملے کو درپیش پریشانیاں ختم ہو سکیں۔
متعلقہ عنوان :
مزید قومی خبریں
-
منشیات فروشوں کے خلاف کریک ڈائون کر رہے ہیں، اسلحہ کی نمائش کی اجازت نہیں ہوگی ، شرجیل انعام میمن
-
راولپنڈی،پتریاٹہ پولیس کی کارروائی ،ناجائز اسلحہ پرملزم گرفتار
-
وزیراعلیٰ سندھ کی زیر صدارت ایپکس کمیٹی کا اجلاس
-
صوبائی وزیر صحت خواجہ عمران نذیر کی جناح ہسپتال آمد ،یورالوجی ٹرانسپلانٹ سنٹر کا دورہ کیا
-
گھریلو کنکشن کیلئے ایل این جی کی بنیاد پر ڈیمانڈ نوٹسز کی فیس مقرر
-
پنجاب کو مکمل طورپرپولیو فری بنانا ہمارا عزم، ویکسی نیشن مہم کی ذاتی طور پر مانیٹرنگ کررہی ہوں،مریم نواز
-
سید ناصرحسین شاہ کی کراچی یونین آف جرنلسٹس کے نومنتخب عہدیداروں کو مبارکباد
-
پیپلزپارٹی آزاد و خودمختار پریس کی حمایت کرتی ہے، جس کا جمہوری عمل کے فروغ میں کلیدی کردار ہے،بلاول بھٹو زرداری
-
گورنر سندھ کامران ٹیسوری کے ہمراہ وفاقی وزیر داخلہ محسن نقوی کا آئی ٹی مارکی کا دورہ
-
وفاقی وزیرداخلہ محسن نقوی کی کراچی میں چینی قونصلیٹ آمد،چین کے قونصل جنرل سے ملاقات
-
مجرموں کی سرپرستی یا سہولتکاری کرنے والا کوئی بھی ہو اس کے ساتھ کوئی بھی رعایت نہیں برتی جائے گی، شرجیل میمن
-
وزیراعلی سندھ سید مراد علی شاہ کی زیر صدارت 31 ویں ایپکس کمیٹی اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.