سبزیوں کی بروقت دستیابی، فی ایکڑ زیادہ پیداوار کے حصول کیلئے سبزیوں کی سخت سردی، کورے سے حفاظت ضروری ہے، محکمہ زراعت
ہفتہ 24 جنوری 2015 13:58
راولپنڈی (اُردو پوائنٹ تازہ ترین اخبار۔ 24 جنوری 2015ء) محکمہ زراعت پنجاب نے کہا ہے کہ فی ایکڑ زیادہ پیداوار کیلئے سبزیوں کی سخت سردی اور کورے سے حفاظت ضروری ہے۔ ترجمان کے مطابق سبزیوں کی بروقت دستیابی اور فی ایکڑ زیادہ پیداوار کے حصول کیلئے سبزیوں کی سخت سردی اور کورے سے حفاظت ضروری ہے کیونکہ سردی کے موسم میں کورے کی وجہ سے پودوں کے تنوں، شاخوں اور پتوں کے خلیوں میں موجود پانی جم کر برف بن جاتا ہے جس سے پودوں کی بڑھوتری برُی طرح متاثر ہوتی ہے اور شدید سردی کی وجہ سے پودے مر بھی جاتے ہیں۔
ایک بیان میں ترجمان نے سبزیوں کے کاشتکاروں کو ہدایت کی کہ سخت سردی اور کورے سے سبزیوں کی حفاظت کیلئے آبپاشی کا وقفہ کم کردیں اور ہلکی آبپاشی کریں۔ سبزیوں کے اردگرد بھوسہ، پرالی یا گھاس وغیرہ جلا کر دھواں کا اہتمام کریں۔(جاری ہے)
چھوٹی سبزیوں یا نرسریوں کو رات کے وقت پلاسٹک شیٹ سے ڈھانپ دیں اور سبزیوں کے کھیت کے شمال کی طرف سرکنڈہ لگا دیں تاکہ سبزیاں ٹھنڈی ہوا سے محفوظ رہیں۔ ترجمان نے کہا کہ سبزیوں کے کاشتکار محکمہ زراعت کے متعلقہ شعبہ کے ماہرین کی فنی و تکنیکی رہنمائی سے سبزیوں کی سخت سردی، کورے، بیماریوں اور کیڑوں کا مناسب انسداد کرسکتے ہیں جس سے سبزیوں کی فی ایکڑ زیادہ پیداوار کے علاوہ کاشتکاروں کی اپنی استعدادِ کار میں بھی اضافہ ہوتا ہے۔
مزید تجارتی خبریں
-
پاکستان میں موبائل فون کی درآمد میں بڑا اضافہ ہوگیا
-
سونے کی قیمتوں میں کمی کا رجحان
-
پاکستان اسٹاک مارکیٹ ملکی تاریخ میں پہلی بار73ہزار پوائنٹس کی حد عبور کرنے کے بعد مندی کا شکار ہو گئی اور انڈیکس 72ہزار پوائنٹس کی سطح سے نیچے گر گیا جبکہ 100انڈیکس میں 1ہزار پوائنٹس سے زاید کی کمی دیکھنے ..
-
انٹر بینک میں روپے کے مقابلے ڈالر کی قدر گھٹ گئی جبکہ اوپن مارکیٹ میں ڈالر مہنگا
-
زری پالیسی کمیٹی کا پالیسی ریٹ 22 فیصد پربرقراررکھنے کا فیصلہ
-
غیر ملکی سرمایہ کاروں کو سرمایہ کاری کیلئے سازگار ماحول میسر ہے، صوبائی وزیر چوہدری شافع حسین کی آسٹریا کی سفیر سے گفتگو
-
عالمی اور مقامی مارکیٹ میں سونے کی قیمت میں معمولی کمی
-
ملک میں سیمنٹ کی ریٹیل قیمتوں میں ایک ہفتے کے دوران استحکام رہا
-
برائلر گوشت کی قیمت میں15روپے کلو اضافہ
-
ملکی صرافہ مارکیٹوں میں ایک ہفتے کے دوران سونا4300روپے سستا ہو گیا
-
انٹر بینک میں ایک ہفتے کے دوران روپے کے مقابلے ڈالر کی قدر بڑھ گئی جبکہ اوپن مارکیٹ میں یورو اور برطانوی پونڈ بھی مہنگا ہو گیا
-
ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.