میاں منظوراحمد وٹو سے انکی رہائشگاہ پر سربراہ ہزارہ صوبہ بابا حیدر زمان کی ملاقات
بدھ 18 فروری 2015 17:35
لاہور (اُردو پوائنٹ تازہ ترین اخبار۔ 18فروی 2015ء ) پیپلز پارٹی پنجاب سنٹرل پنجاب کے صدر میاں منظوراحمد وٹو سے سربراہ ہزارہ صوبہ بابا حیدر زمان نے ملاقات کے دوران ہزارہ صوبہ کے لیے انکی حمایت حاصل کرنے کی گذارش کی۔ میاں منظور احمد وٹو نے اس موقع پر کہا کہ پیپلز پارٹی ملک میں بدلتے ہوئے حالات کے پیش نظر نئے صوبوں کے قیام کے حق میں ہے اسی لیے اس نے جنوبی پنجاب کو صوبہ بنانے کی جدوجہد میں کلیدی کردار ادا کیا تھا کیونکہ پارٹی سمجھتی تھی کہ وہاں کے لوگوں کی معاشی اور سیاسی محرومیوں کا ازالہ نئے صوبہ بنانے سے ہی ہو سکتا ہے۔
انہوں نے کہا کہ نئے صوبے کا قیام وہاں کے لوگوں کے مسائل، تکالیف اور مشکلات کا واحد حل ہے۔ انہوں نے کہا کہ وہ ذاتی طور پر ہزارہ کو صوبہ بنانے کے حق میں ہیں کیونکہ وہاں کے لوگ اسمبلیوں کے تمام اراکین کا یہ درینہ مطالبہ ہے ۔(جاری ہے)
انہوں نے کہا کہ پیپلز پارٹی نے پنجاب اسمبلی میں جنوبی پنجاب کو صوبہ بنانے کے لیے متفقہ قرارداد پاس کروائی پھر یہی قرارداد قومی اسمبلی اور سینیٹ سے بھی پاس ہوئی۔
انہوں نے افسوس کا اظہار کیا کہ موجودہ حکومت نے اس ضمن میں کوئی پیشرفت اس لیے نہیں کی کیونکہ یہ حکومت وہاں کے لوگوں کے سیاسی، معاشی اور سماجی مسائل کے حل میں مخلص نہیں ہے۔ انہوں نے موجودہ حکومت پر تنقید کرتے ہوئے کہا کہ بجٹ کے دوران جنوبی پنجاب کے لیے ریکارڈ ترقیاتی فنڈز مختص کرنے کے اعلان تو کئے جاتے ہیں لیکن مالی سال کے دوران ان ترقیاتی فنڈز کو لاہور اور اپنی من پسند کے بڑے بڑے منصوبوں کو مکمل کرنے کے لیے ٹرانسفر کر دئیے جاتے ہیں جو کہ پسماندہ علاقوں کے لوگوں کے ساتھ ایک بونڈے مذاق کے مترادف ہے۔ انہوں نے کہا کہ اسی طرح مقامی حکومتوں کے دور درزا کے اضلاع میں صحت، تعلیم اور انفراسٹرکچر کی ناگفتہ بے حالت پنجاب حکومت کی گڈ گورننس کی کلی کھول دینے کے لیے کافی ہے۔ انہوں نے کہا کہ نئے صوبے بننے سے ان کو صوبائی اور اپنے حصے کے قومی و مالی وسائل پر پورا پورا حق حاصل ہو گا اور وہ انہیں اپنے علاقے کے عوام کی فلاح و بہبود پر خرچ کریں گے جس سے وہاں کے لوگوں کا معیار زندگی بلند ہو گا۔ انہوں نے کہا کہ پیپلز پارٹی اختیارات کی مرکزیت کے خلاف ہے اس لیے یہ سمجھتی ہے کہ نئے صوبوں کا قیام وفاق کو مضبوط کرنے کے علاوہ عام لوگوں کے بہترین مفاد میں بھی ہے۔متعلقہ عنوان :
مزید اہم خبریں
-
ایف بی آر کے لئے تاجروں کی رجسٹریشن کا عمل درد سربن گیا
-
سعودی عرب کے ساتھ ممکنہ جوہری معاہدہ، بائیڈن سے احتیاط کا مطالبہ
-
چار روز بعد آخر کار پی ٹی اے نے ایف بی آر کے احکامات پر خاموشی توڑ دی
-
بشری بی بی کی جانب سے توشہ خانہ تحائف غیر قانونی فروخت کرنے کا الزام
-
’’ نفسیاتی مرض اور قے‘‘ کی ادویات غیرمعیاری قرار دے دی گئی
-
صدر مملکت آصف علی زرداری کا شیخ طہنون بن محمد النہیان کے انتقال پر اظہار افسوس
-
نائب وزیراعظم اور وزیر خارجہ محمد اسحاق ڈار او آئی سی کے اجلاس میں شریک رہنمائوں اور وزرائے خارجہ سے دو طرفہ ملاقاتیں کریں گے، ترجمان دفتر خارجہ
-
ترقی پذیر ایشیائی ممالک میں 2050 تک 60 سال سے زائد عمر والوں کی تعداد 1.2 ارب ہوجائیگی
-
بلوچستان کے ضلع دکی میں دو بم دھماکوں میں ایک شخص ہلاک اور سی ٹی ڈی کے دو اہلکاروں سمیت 18افراد زخمی
-
حکومت سی پیک فیز ٹو کا آغاز جلد شروع کرنے کے لئے پرعزم ہے، احسن اقبال
-
سرکاری ہسپتالوں کے حالات انشاء اللہ بتدریج بہتر ہو جائیں گے‘ خواجہ سلمان رفیق
-
محمودخان اچکزئی نے غیر قانونی قبضے کے الزامات پر نگران وزیر اطلاعات اور ڈپٹی کمشنر کوئٹہ کو 20 ارب روپے ہرجانے کا نوٹس بھجوادیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.