قبائل نے ہمیشہ پاکستان ،پاک فوج کا ساتھ دیا، حالات کی خرابی میں ملک دشمنوں کا ہاتھ ہے ،مولانا جمال الدین محسود
حکومت افغان مہاجرین کی باعزت واپسی یقینی بنانے کیساتھ متاثرین وزیرستان کی بھی دوبارہ آباد کاری کو یقینی بنانے کیلئے اقدامات کرے ، رکن قومی اسمبلی
اتوار 8 مارچ 2015 17:00
ڈیرہ اسما عیل خان( پوائنٹ اخبار تازہ ترین۔8مارچ۔2015ء) رکن قومی اسمبلی مولانا جمال الدین محسود نے کہا ہے کہ قبائل نے ہمیشہ پاکستان اور پاک فوج کا ساتھ دیا، حالات کی خرابی میں ملک دشمنوں کا ہاتھ ہے حکومت افغان مہاجرین کی باعزت واپسی کو یقینی بنانے کے ساتھ ساتھ متاثرین وزیرستان کی بھی دوبارہ آباد کاری کو یقینی بنانے کے لیئے جلد اقدامات کرے ان خیالات کااظہار انہوں نے ڈیرہ اسما عیل خان میں محسود اصلاحی جرگہ کی تقریب سے خطاب کے دوران کیا، تقریب سے محسود اصلاحی جرگہ کے چیئر مین مفتی محمد ابراہیم محسود اور جنرل سیکریٹری بادام گل محسود نے بھی خطاب کیا، انہوں نے کہا کہ وزیرستان میں تباہ حال مکانوں کے لیئے چار لاکھ روپے کی امداد ناکافی ہے وزیرستان کے سنگلاخ پہاڑوں میں چار لاکھ روپے سے چاردیواری کی تکمیل ممکن نہیں ہوتی تو تباہ شدہ گھر کو کیسے دوبارہ بنایا جا سکتا ہے اس ضمن میں قومی اسمبلی میں بھی آواز بلند کی جائے گی، انہوں نے کہا کہ سینٹ کے انتخابات میں قبائلی علاقہ جات کے ممبران کے لیئے نیا حکومتی آرڈینینس لائق ستائش ہے اس سے کرپشن اور قبائل کا ووٹ بیچنے کی روایت ختم ہوجائے گی، انہوں نے کہا کہ وزیرستان کے باشندوں کے مسائل اتنے زیادہ ہیں کہ ان کو مختصر وقت میں بیان نہیں کیا جا سکتا، محسود قوم اس وقت انتہائی مشکل وقت سے گذر رہی ہے میں قوم کا خادم ہوں اور محسود اصلاحی جرگہ کے پلیٹ فارم کے قیام پر تمام محسود عمائدین اور قوم کے ہر بچے کو خراج تحسین اور مبارک باد پیش کرتا ہوں، انہوں نے کہا کہ ہم اس ملک اور پاک فوج کے وفادار رہیں گے، کوئی طاقت ہمیں اس سے پیچھے ہٹنے پر مجبور نہیں کر سکتی، انہوں نے کہا کہ جنوبی وزیرستان میں د و ہزار آٹھ سے سکول بند ہیں، انفراسٹریکچر تباہ ہو گیا ہے اس کی بحالی کا کام جلد شروع کیا جائے، ہمارے بچوں کے سکالر شپ بند ہیں انہیں کھولا جائے اور وزیرستان کے بے روز گار نوجوانوں کو روزگار کے مواقع فراہم کئے جائیں ، انہوں نے کہا کہ ہم مقامی پولیٹیکل انتظامیہ کے ساتھ علاقہ میں امن کے قیام کے لیے بھرپور تعاون کریں گے امن ہوگا تو ملک اور ہمارا علاقہ ترقی کرے گا یہاں انڈسٹری قائم ہو گی اور ہمارا خطہ خوشحال ہوگا ۔
(جاری ہے)
متعلقہ عنوان :
مزید قومی خبریں
-
لاہورپولیس کی منشیات فروشوں کے خلاف کارروائیاں ، 3486 ملزمان گرفتار
-
پنجاب حکومت کا کسانوں سے گندم نہ خریدنے کا اقدام ہائیکورٹ میں چیلنج
-
کسی کو اپنی ذاتی سیاست کسانوں کی آڑ میں چمکانے کی اجازت نہیں دیں گے‘عظمیٰ بخاری
-
بھابھی نے شادی والے دن دلہا کو گرفتار کرادیا،جمشید کوارٹر تھانے کے باہر انوکھا احتجاج ،رشتے دار دلہے کی شیروانی لے کر تھانے پہنچ گئے
-
خرم شیر زمان کا سندھ حکومت پر من پسند افراد کو پروٹوکول دینے کا الزام
-
سیالکوٹ پولیس کی کارروائی،ناجائز اسلحہ کی نمائش پر 3 ملزمان گرفتار
-
سکول ٹیچر کو گھر کے باہر فائرنگ کر کے قتل اور خوبرو جوڑے کو گھر میں تیزدھار آلہ سے ذبح کر دیا گیا
-
پسند کی شادی کرنیوالی 22سالہ لڑکی کرنٹ لگنے سے جاں بحق، قتل کا خدشہ
-
دریاؤں اور آبی ذخائر میں پانی کی صورتحال
-
برصغیر کے عظیم مجاہد ٹیپو سلطان کا225واں یوم شہادت4مئی کو منایا جائے گا
-
دریائوں اور آبی ذخیروں میں پانی کی صورتحال
-
زرداری پی ٹی آئی ،ہمارے درمیان مفاہمت کا کردار ادا کرنا چاہیں تو خوش آمدید کہیں گے ‘ رانا تنویر حسین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.