معاملات سڑکوں اور کنٹینرز پر نہیں ایوانوں میں بیٹھ کر حل کئے جاتے ہیں، شرجیل انعام میمن
پاکستان تحریک انصاف کے ارکان سندھ اسمبلی کو ہم اسمبلی میں دوبارہ آمد پر خوش آمدید کہتے ہیں،صوبائی وزیراطلاعات
پیر 6 اپریل 2015 22:25
کراچی(اُردو پوائنٹ اخبار تازہ ترین۔06 اپریل۔2015ء) وزیر اطلاعات و بلدیات سندھ شرجیل انعام میمن نے کہا ہے کہ معاملات سڑکوں اور کنٹینرز پر نہیں بلکہ ایوانوں میں بیٹھ کر حل کئے جاتے ہیں۔ پاکستان تحریک انصاف کے ارکان سندھ اسمبلی کو ہم اسمبلی میں دوبارہ آمد پر انہیں خوش آمدید کہتے ہیں۔ حلقہ این اے 246 کے ضمنی انتخابات کا معاملہ پیچیدہ ہوتا جارہا ہے اور انتخابات کے لئے سیکورٹی انتظامات کے لئے وزیر اعلیٰ سندھ امن و امان کے اداروں سے بات چیت کرکے حتمی فیصلہ کریں گے۔
سیاسی جماعتوں کے کارکنوں کو صبر تحمل کا مظاہرہ کرنا چاہیے اور ایسا نہ کیا جائے کہ انتخابات کے بعد بات چیت کے دروازے بھی کھلیں نہ رہیں۔ ان خیالات کا اظہار انہوں نے پیر کو سندھ اسمبلی کے اجلاس سے قبل میڈیا سے بات چیت کرتے ہوئے کیا۔(جاری ہے)
شرجیل انعام میمن نے کہا کہ آج تحریک انصاف کے 4 ارکان سندھ اسمبلی کے اجلاس میں شریک ہورہے ہین اور ہم انہیں خوش آمدید کہیں گے۔
انہوں نے کہا کہ یہ ایوان عوامی مفاد کا ایوان ہے اور تمام مسائل کا حل اس ایوان میں بیٹھ کر حل کیا جاسکتا ہے۔ انہوں نے کہا کہ مسائل سڑکوں اور کنٹینرز پر بیٹھ کر کبھی حل نہیں ہوتے ہیں۔ انہوں نے کہا کہ صبح کا بھولا اگر شام کو گھر واپس آجائے تو اسے بھولا نہیں کہا جاسکتا اور تحریک انصاف کے ارکان اسمبلی کی بھی یہی مثل ہے۔ ایک سوال کے جواب میں انہوں نے کہا کہ ان کے استعفوں کے حوالے سے ان کو جتنی معلومات ہے اس کے مطابق ان کے استعفیٰ الیکشن کمیشن کو نہیں بھجیں گئے تھے اور اس حوالے سے اسپیکر سندھ اسمبلی قانونی حیثیت بتا سکتے ہیں۔ ایک اور سوال کے جواب میں شرجیل انعام میمن نے کہا کہ حلقہ این اے 246 کے ضمنی انتخابات میں امن و امان کی صورت حال پر کچھ پیچیدگیاں ہیں اور اس سلسلے میں وزیر اعلیٰ سندھ جو کہ صوبے کے چیف ایگزیکٹو بھی ہیں اور وزیر داخلہ کا قلمدان بھی انہی کے پاس ہے وہ اس سلسلے میں امن و امان کی بحالی کے اداروں کے ساتھ مل کر فوج کی تعیناتی کئے جانے یا نہ کئے جانے پر کوئی فیصلہ کریں گے۔ انہوں نے کہا کہ ماضی میں کئی حلقوں میں ضمنی انتخابات فوج کی زیر نگرانی کروائیں گئے ہیں لیکن ہماری پولیس اور رینجرز بھی معاملات کو کنٹرول کرنے کی مکمل صلاحیت رکھتی ہے۔ انہوں نے کہا کہ تحریک انصاف اور ایم کیو ایم کی قیادت پر یہ لازم اور فرض ہے کہ وہ اپنے اپنے کارکنوں کو پرامن رہنے کی تلقین کریں اور ایک دوسرے کو جگہ دیں۔ انہوں نے کہا کہ میں نے متعدد بار کہا ہے کہ سیاسی جماعتیں انتخابات کو انتخابات کی حد تک محدود رکھیں اور معاملات کو اس حد تک نہ بڑھادیں کہ انتخابات کے بعد بات چیت کے دروازے بند نہ ہوجائیں۔ انہوں نے کہا کہ میں تمام سیاسی جماعتوں کے کارکنوں سے بھی استدعا کروں گا کہ وہ ایک دوسرے کو دشمن تصور نہ کریں اور سیاسی کارکنوں کو صبر و تحمل کا مظاہرہ کرنا چاہئے۔متعلقہ عنوان :
مزید اہم خبریں
-
سیاسی مذاکرات کا دروازہ بند کرکے سِول ملٹری اسٹیبلشمنٹ کو طاقتور بنایا جارہا ہے
-
امریکہ کے بعد فرانسیسی یونیورسٹی میں بھی فلسطینیوں کی حمایت میں احتجاج
-
غزہ میں امداد پہنچانے کے لیے برطانوی فوج خدمات فراہم کر سکتی ہے، رپورٹ
-
سعودی عرب میں اکنامک سمٹ، اسرائیل حماس جنگ روکنے کی ایک اور کوشش؟
-
مرغی کے گوشت کی قیمت میں 200 روپے تک کمی کا امکان
-
پی ٹی آئی اور سنی اتحاد کونسل فوج کو سیاست میں مداخلت کی دعوت دے رہے ہیں
-
عاصمہ جہانگیر کانفرنس میں جرمن سفیر کی تقریر کے دوران طالب علموں کے فلسطین کی آزادی کے حق میں نعرے
-
عمران خان کو کھلی عدالتوں میں ٹرائل کا موقع دینے کی بجائے جیل ٹرائل میں سختی کردی گئی
-
چیف جسٹس اگر انصاف فراہم نہیں کرسکتے تو کرسی سے اتر جائیں، پی ٹی آئی کا مطالبہ
-
مسجد کے باہرسے چوری ، وزیراعلیٰ مریم نوازکے حکم پر بزرگ شہری کو نئی سائیکل دلوا دی گئی
-
چینی شہریوں کی حفاظت ہماری قومی ذمہ داری ہے‘ وزیر داخلہ کی چینی قونصل جنرل سے گفتگو
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.