زمبابوے نے بھی عالمی تنہائی بھگت رکھی ہے ، دورے پر اچھا کھیل پیش کرنے کی کوشش کریں گے ، کپتان ، ٹیم آفیشل کی پریس کانفرنس

منگل 19 مئی 2015 16:43

لاہور(اردو پوائنٹ تازہ ترین اخبار19مئی۔2015ء) زمبابوے کرکٹ وفد کے سربراہ نے کہا کہ ان کی ٹیم کے دورہ پاکستان سے کرکٹ کی فتح ہوئی ، تمام خدشات کو ایک طرف رکھ کر پاکستان آئے، کپتان ایلٹن چگبھرا کا کہنا تھا کہ اچھی کرکٹ کھیلنے کی کوشش کریں گے ۔ تفصیلات کے مطابق قذافی سٹیڈیم لاہور میں پریس کانفرنس کے دوران زمبابوے کرکٹ وفد کے سربراہ نے کہا کہ کرکٹ ایک مقبول کھیل ہے جس میں آئیسولیشن نہیں ہونی چاہئے ، زمبابوے بھی اس کا شکار رہا ہے جس کی وجہ سے وہ پاکستان میں کرکٹ کی اہمیت کو سمجھتے ہیں اور اسی کو مدنظر رکھتے ہوئے وہ تمام خدشات کو ایک طرف رکھ کر پاکستان کے دورے پر یہاں ہیں اور انہوں نے رضا کارانہ طور پر ایک اچھے اقدام کا آغاز کیا۔

انھوں نے کہا کہ پاکستانی حکومت اور کرکٹ بورڈ ہماری حفاظت کو یقینی بنانے کے لیے بہترین اقدامات کر رہے ہیں۔

(جاری ہے)

ہم بھی چاہتے ہیں کہ پاکستانی ہوم گرائونڈ پر کرکٹ سے لطف اندوز ہوں ، پاکستانی کرکٹ سے مذہب کی حد تک پیار کرتے ہیں اور ہم ان کے جذبات کو سمجھتے ہیں۔ اب پاکستانی اپنے ہیروز کو ہوم گرائونڈ پر کھیلتا ہوا دیکھیں گے جس کے لیے ان کو سالوں انتظار کرنا پڑا ۔ انھوں نے کہا کہ ہمارے دورہ پاکستان سے کرکٹ کی فتح ہوئی ہے۔ ہمارے دورہ پاکستان کے فیصلے سے کھلاڑی اور بورڈ آفیشلز پوری طرح مطمئن تھے۔ دریں اثناء زمبابوین کپتان نے میڈیا سے گفتگو کرتے ہوئے کہا کہ پاکستان کرکٹ کے محفوظ ملک ہے ، وہ کنڈیشنز سے پوری طرح آگاہ نہیں ہیں لیکن کوشش کریں گے کہ اچھی کرکٹ کھیلیں گے۔

Facebook Twitter Google + Share on Whatsapp

زمبابوے نے بھی عالمی تنہائی بھگت رکھی ہے ، دورے پر اچھا کھیل پیش کرنے کی کوشش کریں گے ، کپتان ، ٹیم آفیشل کی پریس کانفرنس

متعلقہ عنوان :

مزید کھیلوں کی خبریں