افغانستان کو ایشیا کی دوسری بہترین ٹی ٹونٹی ٹیم قرار دینے پر سلمان آغا ہنس پڑے، ویڈیو وائرل

سہ فریقی سیریز کے آغاز سے قبل پریس کانفرنس میں صحافی نے افغان کپتان راشد خان سے سوال کیا اور افغانستان کو ایشیا کی دوسری بہترین ٹیم کہا

ذیشان مہتاب جمعہ 29 اگست 2025 12:31

افغانستان کو ایشیا کی دوسری بہترین ٹی ٹونٹی ٹیم قرار دینے پر سلمان ..

شارجہ (اردو پوائنٹ تازہ ترین اخبار ۔ 29 اگست 2025ء ) پاکستانی ٹی ٹونٹی کرکٹ ٹیم کے کپتان سلمان علی آغا کی افغانستان کو ایشیا کی دوسری بہترین ٹی ٹونٹی ٹیم قرار دینے پر مسکراہٹ سوشل میڈیا پر وائرل ہوگئی۔

شارجہ میں سہ فریقی سیریز کے آغاز سے قبل پریس کانفرنس کے دوران صحافی نے افغانستان کے کپتان راشد خان سے سوال کیا اور افغانستان کو ایشیا کی دوسری بہترین ٹیم کہا۔

(جاری ہے)

یہ جملہ سنتے ہی سلمان آغا کے تاثرات فوراً بدل گئے اور وہ مسکرانے لگے، ان کی یہ مسکراہٹ کیمرے کی آنکھ نے فوراً قید کر لی اور دیکھتے ہی دیکھتے یہ کلپ سوشل میڈیا پر وائرل ہوگیا۔

as ever, Salman Ali Agha’s facial expressions saying a lot more than his words ever will.. pic.twitter.com/TghQPez6vm
— Cani (@caniyaar) August 28, 2025

یاد رہے کہ سہ فریقی ٹی ٹونٹی سیریز میں پاکستان، افغانستان اور متحدہ عرب امارات کی ٹیمیں شریک ہیں، یہ سیریز 29 اگست سے 7 ستمبر تک شارجہ میں کھیلی جائے گی، ہر ٹیم ایک دوسرے کے خلاف دو، دو میچز کھیلے گی۔

افتتاحی میچ میں آج پاکستان اور افغانستان کی ٹیمیں مقامی وقت کے مطابق شام 7 بجے مدمقابل ہوں گی، جبکہ فائنل میچ 7 ستمبر کو ہوگا، اس کے بعد ایشیا کپ 9 سے 28 ستمبر تک یو اے ای میں کھیلا جائے گا۔