بھارت ‘ممبئی اور شہر کے گردو نواح میں شدید بارشوں سے نظام زندگی مفلوج ‘ دو افراد ہلاک

ہفتہ 20 جون 2015 12:43

ممبئی(اُردو پوائنٹ اخبار تازہ ترین۔ 20 جون۔2015ء) بھارت کے شہر ممبئی اور اس کے گرد و نواح میں شدید بارشوں نے نظام زندگی مفلوج کرکے رکھ دیا ہے ‘ بارشوں سے 2 افراد بھی ہلاک ہوگئے۔بھارتی میڈیا کے مطابق موسلا دھار بارش نے ممبئی اور اس کے گرد و نواح کو اپنی لپیٹ میں لئے ہوا ہے جس سے ریل اور ہوائی نظام بری طرح متاثر ہوا ہے ‘ سڑکیں اور گلیاں تالابوں کا منظر پیش کررہی ہیں اب تک ممبئی شہر میں 72 ملی میٹر ‘ اس کے مشرقی اور مغربی علاقوں میں 66 اور 50 ملی میٹر بارش ریکارڈ کی جا چکی ہے ۔

(جاری ہے)

حکام کے مطابق مہاراشٹرا کے علاقوں تھانے، پالگڑھ، ریگاڈ کے علاوہ پونے، کولہاپور، اورنگزیب آباد اورناشک میں مسلسل اور طوفانی بارشوں نے تباہی مچادی ہے، ممبئی میں ٹرینوں کی آمدورفت کے متاثر ہونے سے ہزاروں مسافر ریلوے اسٹیشن پر پھنس گئے جبکہ پروازوں کے شیڈول کے متاثر ہونے سے ایئرپورٹ پر بھی مسافروں کی بڑی تعداد پروازوں کی بحالی کی منتظر رہی بھارتی محکمہ موسمیات کے مطابق میں تیز ہواوٴں کے ساتھ مزید موسلا دھار بارش کا امکان ہے جب کہ سمندر میں بھی طغیانی کا خدشہ ظاہر کیا گیا ہے۔

Facebook Twitter Google + Share on Whatsapp

بھارت ‘ممبئی اور شہر کے گردو نواح میں شدید بارشوں سے نظام زندگی مفلوج ‘ دو افراد ہلاک

متعلقہ عنوان :

مزید بین الاقوامی خبریں