نارنگ منڈی ، قیامت خیزگرمی خاتون سمیت 2افرادہلاک ،متعددبیہوش ،دومقامات پراحتجاجی مظاہرے

نارنگ منڈی (اُردو پوائنٹ اخبار تازہ ترین۔ 20 جون۔2015ء) نارنگ منڈی میں قیامت خیزگرمی سے خاتون سمیت 2افرادہلاک جبکہ متعددبیہوش ہو گئے جبکہ دومقامات پر بجلی کی بدترین لوڈ شیڈنگ کے خلاف احتجاجی مظاہرے کیے گئے ۔ تفصیلات کے مطابق حکومتی دعوؤں کے باوجودنارنگ منڈی میں سحری وافطاری اورنمازتراویح کے اوقات میں بجلی کی بدترین لوڈشیڈنگ نے روزہ داروں کوبے حال کردیا ہے ۔

(جاری ہے)

اندرون شہر نارنگ منڈی میں رات شدیدگرمی کی تاب نہ لاتے ہوئے محلہ مظفرآبادکی مسجدکے خطیب مولوی محمد بشیر اور محلہ شریف پورہ میں محمداقبال چوہان کی ضعیف العمربیوی جاں بحق اور4شہری بیہوش ہوگئے ۔انجمن تاجران کی جانب سے وزیراعظم کے احکامات کو ہوا میں اڑانے پرواپڈاکیخلاف احتجاجی مظاہرہ کیاگیاجبکہ نواحی گاؤں ہچھڑ میں بھی مظاہرین نے سابق ناظم بابرافتخار بھٹی کی قیادت میں روڈبلاک کرکے احتجاج کیا اور دونوں مظاہروں میں روزہ داروں نے عملہ کیخلاف سخت کارووائی کرنے اورسحری وافطاری اور نماز تراویح کے دوران بجلی کی لوڈشیڈنگ نہ کرنے کامطالبہ کیاگیا۔