سعودی خواتین کو بطور شیف کام کرنے کی اجازت دینے کا فیصلہ

منگل 23 جون 2015 20:09

جدہ(اُردو پوائنٹ اخبار تازہ ترین۔ 23 جون۔2015ء) سعودی عرب کی وزارتِ لیبر نے سعودی خواتین کو ہوٹلوں میں بطور شیف کام کرنے کی اجازت دینے کا فیصلہ کیا ہے۔عرب نیوز کی رپوٹ کے مطابق تاہم اپارٹمنٹس میں بطور شیف کام کرنے پر پابندی عائد رہے گی، اس لیے کہ بطور ریسپشنسٹ یا دیگر ملازمتوں پر خواتین کا اکثر استحصال کیا جاتا ہے۔واضح رہے کہ بہت سی سعودی خواتین نے اپنی تیار کردہ ڈشز کی کی تصاویر فیس بک اور انسٹاگرام جیسی سوشل میڈیا کی ویب سائٹ پر پوسٹ کرکے کافی شہرت حاصل کرلی ہے۔

(جاری ہے)

ان میں سے بہت سی خواتین نیفوڈ پروڈکشن اور ڈلیوری کا کاروبار بھی شروع کردیا ہے۔سعودی عرب میں ایک ہوٹل کے مالک کہتے ہیں کہ بہت سے ہوٹل خاص طور پر فائیو اسٹار ہوٹل جہاں غیرملکی سیاح ٹھہرتے ہیں، ان ہوٹلوں کے 75 فیصد مہمان غیرملکی ہوتے ہیں۔ چنانچہ یہ ہوٹلز بین الاقوامی اور مقامی کھانوں کی تیاری کے تجربے کی وجہ سے غیرملکی شیف کی بھرتی کو ترجیح دیتے ہیں۔ تاہم سعودی عرب کے ہوٹلز مقامی کھانوں کی تیاری کیلئے سعودی خواتین کی خدمات سے فائدہ اْٹھاسکتے ہیں۔

Facebook Twitter Google + Share on Whatsapp

سعودی خواتین کو بطور شیف کام کرنے کی اجازت دینے کا فیصلہ

مزید بین الاقوامی خبریں