کوہاٹ، پولیس نے منشیات سمگل کرنے کی ایک اور کوشش ناکام بنادی، گاڑی کے گیس سلنڈر سے منوں چرس برآمد
ہفتہ 4 جولائی 2015 22:50
کوہاٹ(اُردو پوائنٹ اخبار تازہ ترین۔ 04 جولائی۔2015ء) کوہاٹ پولیس نے منشیات سمگل کرنے کی ایک اور کوشش ناکام بنا کر گاڑی کی گیس سلنڈر ٹینکیوں سے منوں چرس برآمد کر لی ہے۔ڈی پی او کوہاٹ محمد صہیب اشر ف نے پولیس کی منشیات سمگلروں کے خلاف مسلسل کامیاب کاروائیوں کے حوالے سے تفصیلات بتاتے ہوئے کہا کہ تھانہ استرزئی کی حدود مرئی میں کوہاٹ اورکزئی روڈ پر قائم پولیس چیک پوسٹ پر ناکہ بندی کے دوران مقامی پولیس سٹیشن کے ایس ایچ اومحمدبشیر اپنی ٹیم کے ہمراہ گاڑیوں کی چیکنگ میں مصروف تھے کہ اس دوران علاقہ غیر اورکزئی ایجنسی سے کوہاٹ آنے والی ایک مشکوک فلائنگ کوچ نمبر LWC.5605کو تلاشی کی غرض سے روک لیا گیا ۔
پولیس نے گاڑی کی تفصیلی تلاشی لیتے ہوئے بظاہرایندھن مادے کو محفوظ بنانے کے طور پر گاڑی میں استعمال ہونیوالی گیس سلنڈر کی تین ٹینکیوں سے مجموعی طور پر 135کلو گرام اعلیٰ کوالٹی کی چرس برآمد کر لی۔(جاری ہے)
تلاشی پر مامور پولیس اہلکاروں نے فلائنگ کوچ گاڑی کے ڈرائیور خیبر ایجنسی کے علاقہ باڑا کے قبائلی باشندے لعل جان ولد شاہی خان کو حراست میں لے لیا اور انہیں پکڑی گئی منشیات اور سمگلنگ میں استعمال ہونیوالی گاڑی سمیت تھانہ استرزئی منتقل کر دیاجہاں ملزم کے خلاف مقدمہ درج کر کے منشیات کے نمونے لیبارٹری ٹیسٹ کیلئے روانہ کر دئیے گئے ہیں۔
ضلعی پولیس سربراہ کے مطابق گزشتہ روز بھی پولیس نے اسی چیک پوسٹ پراورکزئی ایجنسی سے آنیوالی فلائنگ کوچ گاڑی کے خفیہ خانوں سے 72کلو گرام چرس برآمد کر لی تھی جبکہ پولیس کی منشیات سمگلروں کے منصوبے کو بے نقاب کرنے کی 24گھنٹوں کے دوران یہ دوسری بڑی کامیابی ہے ۔مزید قومی خبریں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
-
گورنرسندھ کی امید کی گھنٹی پر آنے والے سائلین سے ملاقات ، سائلین کے مسائل سنے اور موقع پر ہی حل کئے
-
بجٹ میں بزنس کمیونٹی کی تجاویز کو ترجیحی بنیادوں پر شامل کیا جائے گا، جام کمال خان
-
ایک ہفتہ کے دوران پیاز29،ٹماٹر24 اورآلو 22 روپے سستے ہوئے ہیں،عظمی بخاری
-
پاکستان کے تمام لوگ اور سیاسی جماعتیں فلسطین کے منصفانہ کاز کی حمایت کرتی ہیں، سینیٹر مشاہد حسین سید
-
حکومت نہ صرف بجلی کی قیمتوں میں کمی کرے بلکہ سولر پینل کے پیکجز بھی دے، ناصرشاہ
-
اپریل سندھ کی پارلیمانی تاریخ کا بہت اہم دن ہے، مراد علی شاہ
-
کراچی میں ادھار نہ دینے پر 60 سالہ دکان دار قتل
-
ملک بھر میں سڑکوں اور فٹ پاتھ پر سے تجاوزات 3 دن میں ختم کرنے کا حکم
-
فیصل جاوید اور انسداد دہشتگردی عدالت کے جج میں خوشگوار مکالمہ
-
بانی پی ٹی آئی سمجھتے ہیں کہ وہ بات نہیں کرنی چاہیے جو ملک اور اداروں کیلئے بہتر نہ ہو، وزیر اعلی خیبرپختونخوا علی امین گنڈاپور
-
پیپلز پارٹی کو صرف سندھ تک محدود جماعت کہنے والے آج خود ایک صوبے تک محدود ہو چکے ہیں، فیصل کریم کنڈی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.