نئی دہلی سے بچوں کا 'سیریل کلر' گرفتار

منگل 21 جولائی 2015 11:56

نئی دہلی(اُردو پوائنٹ اخبار تازہ ترین۔21جولائی2015ء) ہندوستانی پولیس نے پیر کے روز کہا کہ ایک چھ سالہ بچی کے ریپ اور قتل میں ملوث شخص نے 14 سے زائد جرائم میں ملوث ہونے کا انکشاف کیا ہے۔ دہلی کے ڈپٹی کمشنر وکرم جیت سنگھ نے بتایا کہ روندر کمار نے جمعرات کو نئی دہلی میں گرفتار ہونے کے بعد اپنے جرائم کا اعتراف کیا۔

(جاری ہے)

سنگھ نے بتایا کہ 24 سالہ مزدور سے اس وقت اس حوالے سے تحقیقات کی گئیں جب گزشتہ سال اسی طرح کے کیس میں اسے ضمانت پر رہائی کا معاملہ سامنے آیا۔

انہوں نے بتایا کہ پولیس نے رویندر کمار کو صرف چھ سالہ بچی کے ساتھ تشدد اور قتل کے حوالے سے گرفتار کیا تھا تاہم یہ پیشرفت سامنے آنے کے بعد تحقیقات کا دائرہ بڑھا دیا گیا۔ ان کا مزید کہنا تھا کہ تحقیقات کے دوران ملزم نے بتایا کہ وہ اسی طرح کے 14 مختلف کیسز میں ملوث رہا ہے۔

Facebook Twitter Google + Share on Whatsapp

نئی دہلی سے بچوں کا 'سیریل کلر' گرفتار

متعلقہ عنوان :

مزید بین الاقوامی خبریں