ہماکلب نے پی ٹی وی کو جشن آزادی فٹ بال میچ میں 2-0 گول سے ہرا دیا
عمر جمشید منگل 11 اگست 2015 12:43
اسلام آباد (اُردو پوائنٹ اخبار تازہ ترین۔ 11 اگست۔2015ء)ہماکلب اسلام آباد نے پی ٹی وی کو پی ٹی وی جشن آزادی فٹ بال میچ میں 2-0 گول سے ہرا دیا، میچ کا افتتاح گلگت بلتستان کے سنیئر وزیر حاجی اکبر تاوان نے کیا جبکہ اختتامی تقریب کے مہمان خصوصی پی ٹی وی کے ڈائریکٹر فنانس وسیم پرویز تھے جنہوں نے کھلاڑیوں میں اسناد اور کامیابی حاصل کرنے والی ٹیم ہماکلب کے کپتان ناصر جمیل کو ٹرافی پیش کی، اس موقع پر پی ٹی وی کے کرنل(ر) حسن عماد محمڈی ، آرگنائزنگ سیکرٹری محمد عارف قریشی، پاکستان فٹ بال فیڈریشن کے سابق سیکرٹری اطلاعات رانا تنویراحمد، اسلام آباد فٹ بال ایسوسی ایشن کے آفیشلز سید شرافت حسین بخاری، محمد زمان، ذاکر حسین نقوی کے علاوہ شائقین کی کثیر تعداد بھی موجود تھے، جناح سٹیڈیم میں کھیلے گئے میچ میں وقفے تک ہماکلب کو قومی بی ڈویژن فٹ بال لیگ کھیلنے والی پی ٹی وی ٹیم کے خلاف 1-0 گول کی برتری حاصل تھی دوسرے ہاف میں ہما کلب نے مزید ایک گول کرکے مقابلہ 2-0 سے جیت لیا،کھیل کے پہلے ہاف کے 33 ویں منٹ میں ہما کلب کو پی ٹی وی کلب کے خلاف پنلٹی کک ملی جس پر عمرخان نے گول کرتے ہوئے اپنی ٹیم کو برتری دلائی جبکہ دوسرے ہاف کے 7 ویں منٹ میں ہماکلب کو پی ٹی وی کے خلاف ایک بارپھر پنلٹی کک ملی جس پر عمران نے گول کرکے مقابلہ دگنا 2-0 کردیا، ہماکلب کو دونوں پنلٹی ککس ریفری ابراہیم نے پی ٹی وی کے کھلاڑیوں کو فول کھیلنے پر دی، میچ ختم ہونے سے چند منٹ قبل پی ٹی وی نے ہماکلب کے خلاف پنلٹی کک حاصل کی لیکن پی ٹی وی کے کھلاڑی ضرار گول کرنے میں ناکام رہے،پی ٹی وی کی ٹیم کے کھلاڑیوں نے میچ کے دوران مارجن کم کرنے کی سرتوڑ کوشش کی لیکن ہما کلب کے کھلاڑیوں نے ان کے تمام موقعے ضائع کر دیئے، میچ کے دوران ہما کلب کی طرف سے گول کیپر سہیل ، بلال اور ذیشان نے جبکہ پی ٹی وی کی طرف سے رضا اللہ اور انجم نے عمدہ کارکردگی کا مظاہر ہ کیا
مزید کھیلوں کی خبریں
-
ٹی ٹونٹی ورلڈکپ سکواڈ کے ممکنہ کھلاڑی کل امریکی ویزے کیلئے اپلائی کریںگے
-
محسن نقوی نے قومی کرکٹ ٹیم میں اتحاد کے مسائل کا اعتراف کرلیا
-
بابر اعظم کو کب تک قومی ٹیم کا کپتان بنایا گیا ہے؟ چیئرمین پی سی بی بول پڑے
-
بابر اعظم مشترکہ طور پر کامیاب ترین ٹی ٹونٹی کپتان بن گئے
-
احسان اللہ کے علاج میں غفلت، چیئرمین پی سی بی کا ذمہ دار افراد کیخلاف ایکشن کا اعلان
-
بابر اعظم نے ٹی 20 میں زیادہ میچز میں کپتانی کرنے کا آسٹریلیا کے سابق کپتان ایرون فنچ کا ریکارڈ برابر کر دیا
-
جو 19 سال تک نہ ہوا، وہ آج ہو گیا
-
کیویز کو شکست، پاکستان سیریز میں شکست سے بال بال بچ گیا
-
شاہین آفریدی نے ٹی ٹونٹی کرکٹ میں منفرد کارنامہ انجام دے دیا
-
کپتان بابر اعظم کی اچھی اننگ کے باوجود دیگر بلے باز متاثر کن بلے بازی کرنے میں ناکام
-
بابر اعظم ٹی ٹوئنٹی کرکٹ کی تاریخ میں سب سے زیادہ چوکے لگانے والے بلے باز بن گئے
-
سیریز کا آخری ٹاکرا، نیوزی لینڈ نے پاکستان کیخلاف ٹاس جیت لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.