پاکستانی معاشرے میں خواتین کا کردار مثبت ہے ،حقوق کیلئے موثر قانون سازی کی ضرورت ہے،چوہدری محمد یاسین
خواتین ورکرز میں پائی جانیوالی بے چینی کے خاتمے کیلئے لیبر قوانین پر فوری طور پر عمل درآمد کروایا جائے ،سیکرٹری جنرل سی ڈی اے مزدور یونین
اتوار 30 اگست 2015 15:36
اسلام آباد (اُردو پوائنٹ اخبار تازہ ترین۔ 30 اگست۔2015ء) خواتین ورکرز کے حقوق کے لیے اسلام آباد کے مقامی ہوٹل میں ویمن ورکرز یونین کے زیر اہتمام سہ روزہ سیمینار منعقد ہوا ،سیمینار میں ویمن ورکرز یونین کی جنرل سیکرٹری شاہینہ کوثر ،مسرت جبین ،خورشید بانو سمیت خواتین کی کثیر تعداد نے شرکت کی ،سمینار کی اختتامی تقریب سے خطاب کرتے ہوئے سی ڈی اے مزدور یونین (سی بی اے ) کے جنرل سیکرٹری چوہدری محمد یسیٰن نے کہا کہ خواتین ورکرز کے حقوق کے لیے ایسے سیمینار منعقد کرنا قابل تحسین بات ہے جس سے خواتین ورکرز کی حوصلہ افزائی ہوتی ہے اور انکے مسائل کی نشاندہی ہوتی ہے ،میں میڈم شاہینہ کوثر اورانکی پوری ٹیم کو اس سیمینار کے انعقاد پر خراج تحسین پیش کرتا ہوں،ہمارے مذہب اسلام نے عورتوں کو مکمل حقوق دیے ہیں اور عورت ماں ،بہن ،بیٹی اور بیوی ہر روپ میں قابل احترام ہے ،انھوں نے کہا کہ خواتین ملکی آبادی کا 52فی صد حصہ ہیں اور انکا معاشرے میں مثبت کردار ہے ،پارلیمنٹ میں خواتین کی نمائندگی تو موجود ہے اور اس کے لیے قوانین بھی بنائے گئے ہیں لیکن پاکستان میں ان قوانین پر موثر عمل درآمد نہ ہونے کی بنا پر خواتین ورکرز اور خصوصاً گھروں اور صنعتوں میں کام کرنے والی خواتین ورکرز کو کوئی قانونی تحفظ حاصل نہیں اس سلسلے میں موثر قانون سازی کی ضرورت ہے ،عورتوں کو انجمن سازی اور یونین سازی کا مکمل حق دینا چاہیے کیونکہ خواتین ورکرز کو بہت سے مسائل کا سامنا ہے ،انھوں نے کہا کہ سی ڈی اے مزدور یونین پاکستان کی واحد تنظیم ہے جس نے اپنی خواتین ورکرز کے حقوق کے لیے جدوجہد کی اور ان کو بے شمار مراعات دلوائیں جس میں خواتین کی پروموشن کا کوٹہ ،بیواؤں کے پلاٹوں کی منظوری،امدادی چیک ،ٹرانسپورٹ کی سہولیات ،سینی ٹیشن میں کام کرنے والی خواتین فیلڈ سٹاف کے لیے سائیٹ آفس کے قیام کی منظوری اور حج پالیسی میں خواتین کے کوٹے سمیت دیگر مراعات شامل ہیں ،ٹر یڈ یونین میں خواتین ورکرز کی شمولیت بہت کم ہے جو کہ مزدور تحریک کے لیے لمحہ فکریہ ہے کیونکہ جب تک خواتین ورکرز ٹریڈ یونین میں اپنے فرائض انجام نہیں دیں گی اس وقت تک انکے مسائل حل نہیں ہونگے ،مزدور یونین نے خواتین ورکرز کو خاطر خواہ تنظیمی معاملات میں حصہ دار بنایا جسکی وجہ سے انکے مسائل میں کافی حد تک کمی آئی ،انھوں نے ارکان پارلیمنٹ سے مطالبہ کیا کہ وہ خواتین ورکرز کے لیے ترجیح بنیادوں پر قانون سازی کرائیں اور لیبر قوانین پر فوری طور پر عمل درآمد کروایا جائے تاکہ خواتین ورکرز میں پائی جانے والی بے چینی دور ہو سکے ۔
مزید قومی خبریں
-
حکومت عوام کے مسائل کے حل کیلئے کوشاں ہے، جلد اچھے دن آئیں گے، چوہدری شافع حسین
-
پاکستان کی معیشت عالمی اتار چڑھا ؤ کے باوجود بحالی کے راستے پر ہے،گورنر اسٹیٹ بینک کا آئی سی ایم اے کانووکیشن سے خطاب،
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.